Turan Nəbiyev 13 yaşlılar arasında birinci olub - FOTO
Zabit Səmədov Döyüş Məktəbi tərəfindən Ümummilli Lider Heydər Əliyevin anadan olmasının 102-ci ildönümü münasibətilə boks turniri təşkil olunub.
Rakus.az xəbər verir ki, turnir Heydər Əliyev İdman Kompleksində baş tutub və klublararası dostluq xarakteri daşıyıb. Yarışda müxtəlif yaş qrupları üzrə yeniyetmələr və gənclər qüvvələrini sınayıblar.
Turniri izləyənlər arasında məktəbin təsisçisi Zabit Səmədov və Gənclər və İdman naziri Fərid Qayıbov da olub.
MMA üzrə yarışda Kərəm Abdullayev ilk pillənin sahibi olub.
Kikboksinq üzrə yarışda isə müxtəlif çəki dərəcələrində Hüseynov Yadulla və Fərəcov Səbuhi birinci yerə layiq görülüblər.
Boks üzrə keçirilən yarışda isə Ağayev Əli, Qayıblı Əli, Allahverdili Tunar, Məmmədli Atilla və Səmədov Mübariz qızıl medal qazanıblar.
13 yaşlılar arasında keçirilən yarışın qalibi Avropa Azərbaycan Məktəbinin şagirdi Turan Nəbiyev olub. O, bütün rəqiblərinə qalib gələrək birinci yerə layiq görülüb.
Qaliblərə Ümummilli Lider Heydər Əliyevin fotosu əks olunmuş diplomlar və medallar təqdim olunub.
Xatırladaq ki, Turan Nəbiyev Milli Məclisin deputatı Rizvan Nəbiyevin oğludur.
