Seçki prosesində medianın rolu qanunvericiliklə tənzimlənir – Nuşirəvan Məhərrəmli
“Seçki prosesində medianın rolu qanunvericiliklə tənzimlənir”.
Rakus.az xəbər verir ki, bunu Milli Televiziya və Radio Şurasının sədri Nuşirəvan Məhərrəmli “Seçkinin mediada işıqlandırılması” mövzusunda informasiya sessiyasında çıxışı zaman deyib.
O bildirib ki, Azərbaycanda özəl TV və radio kanalları təşviqatda iştirak edə bilməz.
N. Məhərrəmli qeyd edib ki, İTV seçkiqabağı təşviqatı ödənişli və ödənişsiz yolla həyata keçirir: “Ödənişsiz efir vaxtı həftədə 3 saatdan az olmayaraq həyata keçirilir. Pulsuz efir vaxtı 60 dairədə namizədi qeydiyyata alınmış partiya və bloklara aiddir. Medianın üzərinə qoyulan tələb hər hansı bir namizədə üstünlük verməmək, bütün namizədlərə bərabər şərait yaratmaqdan ibarətdir. Ödənişli efir vaxtı pulsuz efir vaxtndan iki dəfə çox olmalıdır. Bəzən qiymətlərin yüksək olduğunu qeyd edirlər. İTV tərəfindən müəyyən edilən ödənişli efir vaxtının bir saniyəsinin minimum 22 manat, maksimum 65 manat olması normal qiymətdir və mövcud reklam şərtlərinə uyğun hesablanıb”. (Secki-2020.az )
