“Qarabağ” “Vilyareal”a uduzdu – YENİLƏNDİ
“Qarabağ” – “Vilyareal” matçı başa çatıb.
Rakus.az xəbər verir ki, Azərbaycan çempionu hesabı açsa da, sonradan İspaniya təmsilçisinin üç qoluna mane ola bilməyib.
Pako Alkaser 85 və 90+5-ci dəqiqədə vurduğu qollarla komandasına qələbə qazandırıb.
Avropa Liqası
Qrup mərhələsi
II tur, İ qrupu
29 oktyabr
“Qarabağ” (Azərbaycan) – “Vilyarreal” (İspaniya) – 1:3
Qollar: Ovusu Kvabena,78 – Yeremi Pino, 80, Pako Alkaser, 85, 90+5
23:33
“Qarabağ” – “Vilyareal” matçında hesab dəyişib.
Oyunun 78-ci dəqiqəsində Ovusu Kvabena hesabı açsa da, iki dəqiqə sonra Pino bərabərlik qolunu vurub.
Hazırda hesab 1:1-dir.
22:56
“Qarabağ” – “Vilyareal” matçında ikinci hissə başlayıb.
Oyunda hesab açılmayıb.
21:57
“Qarabağ” – “Vilyareal” matçına start verilib.
İlk hissəsi davam edən oyunda hesab 0:0-dır.
21:13
“Qarabağ” – “Vilyareal” matçında start heyətləri açıqlanıb.
Rakus.az xəbər verir ki, komandalar meydana aşağıdakı oyunçularla çıxacaqlar:
“Qarabağ”: 1. Şahruddin Məhəmmədəliyev, 30. Abbas Hüseynov, 4. Rahil Məmmədov, 81. Kevin Medina, 77. Donald Gerye, 2. Qara Qarayev (k), 19. Filip Ozobiç, 6. Patrik Andrade, 7. Ovusu Kvabena, 10. Abdullah Zubir, 9. Xayme Romero
Ehtiyat oyunçular: 12. Emil Balayev, 94. Ayxan Arazlı, 11. Mahir Emreli, 5. Maksim Medvedev, 18. İsmayıl İbrahimli, 22. Musa Qurbanlı, 27. Tural Bayramov, 44. Elvin Cəfərquliyev, 55. Bədavi Hüseynov, 8. Uroş Matiç
Baş məşqçi: Qurban Qurbanov.
“Vilyarreal”: 13. Jeronimo Rulli, 24. Alfonso Pedraza, 4. Pau Torres, 8. Xuan Foyt, 9. Karlos Bakka, 11. Samuel Çukvueze, 14. Manu Trigeros, 16. Takefusa Kubo, 20. Ruben Pena, 21. Xayme Kosta, 10. Visente İborra (k)
Ehtiyat oyunçular: 1. Serxio Asenxo, 35. Filip Yorgensen, 2. Mario Qaspar, 6. Funes Mori, 23. Moi Qomes, 17. Pako Alkaser, 34. Fernando Ninyo, 3. Raul Albiol, 19. Frensis Kokelin, 32. Aleks Baena, 30. Yeremi Pino
Baş məşqçi: Unay Emeri
08:37
Bu gün UEFA Avropa Liqasında qrup mərhələsinin növbəti qarşılaşmaları baş tutacaq.
Rakus.az xəbər verir ki, Azərbaycan çempionu “Qarabağ” klubu yer aldığı İ qrupunda İspaniya “Vilyarreal”ı ilə qarşılaşacaq.
Xatırladaq ki, UEFA-nın qərarına əsasən, Ağdam təmsilçisi və Azərbaycan millisi ölkədəki vəziyyətlə əlaqədar ev oyunlarını neytral meydanda keçirməlidir. Buna görə də “Qarabağ” – “Vilyarreal” oyunu İstanbul şəhərində “Başakşəhər Fatih Terim” stadionunda keçiriləcək. Görüş Bakı vaxtı ilə 21:55-də başlayacaq.
Qarşılaşmanı Çexiyadan olan hakimlər briqadası idarə edəcək.
Qrup mərhələsinin ilk oyununda “Qarabağ” Təl-Əvivdə “Makkabi” klubuna 0:1 hesabı ilə məğlub olub. “Vilyarreal” isə “Sivasspor”a 5:3 hesabı ilə qalib gəlib.
