Mikayıl Cabbarov parlamentdə hesabat verdi
“Pandemiyanın baş verməsi Azərbaycan iqtisadiyyatına da təsirsiz ötüşməyib”.
Onun sözlərinə görə, COVID-lə yanaşı, hərbi vəziyyət də ölkə iqtisadiyyatına təsir edib: “Özəl sektorda investisiyalar səkkiz faiz artıb. Yanvar- noyabr aylarında əhalinin gəlirləri dörd faiz azalıb”.
Hazırda Azərbaycan iqtisadiyyatı dayanıqlılıq nümayiş etdirir
Nazir deyib: “Ali Baş Komandan, Prezident İlham Əliyevin qətiyyəti və şanlı ordumuzun şücaəti nəticəsində işğal altındakı torpaqlarımızı azad etmişik. Ölkədə iqtisadi islahatlar getdikcə dərinləşir: “Həmçinin Azərbaycanın dünyadakı nüfuzu durmadan artır. Hazırda ölkə iqtisadiyyatı dayanıqlılıq nümayiş etdirir”.
Dövlət pandemiyanın əhaliyə təsirini azaldıb
Mikayıl Cabbarov bildirib ki, bu il koronavirus (COVID-19) pandemiyası ilə mübarizə və qlobal dəyər zəncirinin pozulması Azərbaycan iqtisadiyyatına da təsirsiz ötüşməyib: “Karantin rejiminin tətbiqi istehlak bazarında 7,8 faiz azalma ilə nəticələnib. Bu ilin yanvar-noyabr aylarında Azərbaycanda əsas kapitala qeyri-neft-qaz sektoru üzrə investisiya qoyuluşu 11 faiz azalıb, neft-qaz sektoru üzrə isə 7,8 faiz artıb”.
Nazir söyləyib ki, 11 ay ərzində əhalinin gəlirləri inflyasiya nəzərə alınmaqla 4 faiz azalıb: “Dövlətin gördüyü tədbirlər nəticəsində pandemiyanın əhaliyə təsiri azalıb”.
