Vətən müharibəsi qəhrəmanları üçün təqaüdlər ödənilir
“Yanvarın 1-dən etibarən Vətən müharibəsi qəhrəmanları üçün təsis edilən təqaüdlərin ödənilməsinə başlanılıb”.
Rakus.az xəbər verir ki, əmək və əhalinin sosial müdafiəsi nazirinin müavini Anar Kərimov deyib.
Onun sözlərinə görə, ölkədə yarım milyon şəxs müavinət, 1 milyon 250 min nəfər pensiya, 77 min nəfər ailə isə ünvanlı dövlət sosial yardım alır.
A.Kərimov onu da əlavə edib ki, yaxın aylarda 4 müasir reabilitasiya və sosial xidmət müəssisəsi açılacaq:
“Bu günə qədər 2 650 şəhidin 6 500 ailə üzvünə sosial ödənişlər təyin edilib. Eləcə də son bir ildə daha 1500 şəhid ailəsi və müharibə ilə əlaqədar əlilliyi olan şəxsə mənzil və fərdi ev, 400 müharibə əlilinə avtomobil verilib”.
O qeyd edib ki, keçmiş köçkünlər üçün tikilən mənzillərin Prezident İlham Əliyevin göstərişi ilə şəhid ailələrinə verilməsi üçün həmin mənzillərin Əmək və Əhalinin Sosial Müdafiəsi Nazirliyinin balansına verilməsi prosesi bitmək üzrədir: “Bu yeni mühüm proqramın şəhid ailələri, müharibə ilə əlaqədar əlilliyi olan şəxslərin evlə təminatında növbəti ciddi irəliləyişə imkan verəcəyini deyib”.
