Sabah Ənənəvi Futbol Turnirində ilk turun oyunları keçiriləcək
Zəfər Günü (8 Noyabr) münasibətilə sabah, oktyabrın 9-da şəhid jurnalist Məhərrəm İbrahimov və Sirac Abışovun xatirəsinə həvəskar komandalardan ibarət Ənənəvi Futbol Turnirində 1-ci turun oyunları keçiriləcək.
Rakus.az xəbər verir ki, açılış mərasimindən sonra A və B qrupu üzrə 2 qarşılaşma olacaq. Sahəyə ilk olaraq “Ardanış” və “Sadaxlı” komandaları çıxacaq. Bu oyunun ardından isə “Novoivanovka” “Media” təmsilçiləri ilə yaşıl meydanda üz-üzə gələcək.
Komandaların heyətləri belədir:
“Ardanış” – Elvin İsmayılov, Elşən Nəsibov, Emin Ələsgərov, Emin Qasımov, İmaməddin Zeynalov, Ramiz Hüseynov, Azər Hüseynov, Tarik Qasımov, Namik Həsənov, Allahyar Musayev, Vaqif Həsənov, Taleh Muradov, Əsgər İbrahimov
Məşqçi Telman Məhərrəmov
“Sadaxlı” – Emil Xəlilov, İsmət Əbdürəhmanov, Erkan Xudiyev, Rauf Aslanov, Pərvin Musayev, Ruslan İlməzov, İlkin Mehdizadə, Elçin Nəsibov, Rasim Dəmirçəlli, Ramin Qurbanov, Nurlan Aşırov, Nihat Vəliyev
Məşqçi Hidayət Xudiyev
“Novoivanovka” – Emil Bayramov, Vüsal Hüseynov, Ayxan Abbasov, Emin İmaməliyev, Rasim Həsənov, Elçin İsmayılov, Qasım Məmmədov, Rakif Əliyev, Murad Natiqoğlu, Vasif Əliyev, Rafiq Həsənov, Samir Əliyev
Məşqçi Malik Löymanov
“Media” – Cavid Osmanov, Ramil Ələkbərov, Rüstəm Abdullayev, Rəhman Atababayev, Manaf Qasımbəyli, Azər Hümbətov, İlkin Muradov, Səlcuq Elçin, Mahmud Novruzov, Ulucay Akif, Heydər Gərayev, Elmin Əlizadə, Təbriz Quliyev,
Məşqçi İsmayıl Nəsibli
Qarşılaşmalar saat 11:00-da “Vətən” İdman Klubunun stadionunda ardıcıllıqla baş tutacaq.
Xatırladaq ki, Ardanış Futbol Akademiyasının təşkilatçılığı ilə keçirilən turnirin məqsədi Birinci və İkinci Qarabağ savaşında canlarını fəda etmiş mərd mübarizlərin xatirəsini anmaq, 44 günlük Vətən müharibəsi iştirakçılarının qəhrəmanlıq nümunələrini yaşatmaq, Məhərrəm və Siracın timsalında şəhid olan igidlərimizin öz peşələrindən əlavə, idmana olan marağını gənclərə aşılamaq, yeni nəslin sağlam ruhda vətənpərvər böyüməsinə töhfə verməkdir.
“Sultan keramik” və “Bee Tours”un sponsorluğu, “Mister Tum”un tərəfdaşlığı ilə keçirilən Ənənəvi Xatirə Turnirinə informasiya dəstəyini “Report” İnformasiya Agentliyi və Rakus.az saytı verir.
