Sultanəli Qurbanov Azərbaycan Respublikasının Yubiley medalına layiq görülüb - FOTO
Azərbaycan Dövlət Pedaqoji Universitetində (ADPU) Yeni Azərbaycan Partiyasının (YAP) Səbail rayonu üzrə “Ü.Hacıbəyov 68” Ərazi Partiya Təşkilatının sədri, dosent Sultanəli Qurbanov ADPU-nun 100 illiyi münasibətilə Azərbaycan Respublikasının Yubiley medalına layiq görülüb.
Rakus.az xəbər verir ki, o, bu medala 40 ildən çoxdur çalışdığı ali təhsil ocağında səmərəli fəaliyyətinə görə Azərbaycan Elm və Təhsil naziri Emin Əmirullayev tərəfindən təltif olunub.
Xatırladaq ki, Qurbanov Sultanəli Şükür oğlu 1955-ci ildə Göyçə mahalının Çəmbərək rayonunun Ardanış kəndində anadan olub. Azərbaycan Dövlət Pedaqoji Universitetinin fizika fakultəsini bitirib. 1977-1984-cü illərdə Ardanış kənd orta məktəbində müəllim işləyib. 1984-cü ildən Azərbaycan Dövlət Pedaqoji Universitetində laboratoriya müdiri və müəllim kimi fəaliyyət göstərir. “Mexanika və molekulyar fizika” kafedrasında dosent vəzifəsində çalışır. Bir çox xarici ölkələrin və respublikamızın elmi jurnallarında çap olunan 50-ə yaxın elmi məqalənin və “Yarımkeçiricilər fizikasına giriş” və “Molekulyar fizika və termodinamikanın əsasları” adlı dərs vəsaitlərinin müəllifidir. 2000-ci ildə fizika elmləri namizədi elmi dərəcəsi alıb.
