Deputatlığa namizəd Hümbət Hüseynov seçicilərlə görüşüb - FOTO
Binəqədi rayon 10 saylı 3-cü seçki dairəsindən namizədliyi verilən Hümbət Hüseynovla seçicilərin görüşü keçirilib.
Rakus.az xəbər verir ki, Yeni Azərbaycan Partiyası 01 sentyabr 2024-cü il növbədənkənar parlament seçkilərinə yeni “Yeni dövrə yeni Azərbaycanla” şüarı ilə gedir və ilk dəfə olaraq bütün 125 seçki dairəsindən öz namizədını təqdim edib. 10 saylı Binnəqədi 3-cü seçki dairəsindən Hümbət Rəhim oğlu Hüseynovun namizədliyi təsdiq edilib və artıq seçicilərlə görüşlər təşkil olunur. Bu məqsədlə YAP Binəqədi rayon təşkilatının binasında H.Hüseynovla seçicilərin görüşü yadda qalan olub.
Görüş torpaqlarımızın azadlığı uğurunda həlak olan şəhidlərimizin ruhunun 1 dəqiqəlik sükutla yad edilməsi və Azərbaycan Respublikasının Dövlət Himni səsləndirilməsi ilə başlayıb.
YAP Binəqədi rayon təşkilatının sədri Vüsal İsmayılov, Azərbaycan Texniki Universitetinin prorektoru Sübhan Namazov, Binəqədi rayon sakini Əli Vəliyev çıxış ediblər. Onlar uzun illərdir ölkəmizdə Prezident İlham Əliyevin rəhbərliyi ilə həyata keçirilən uğurlu islahatların respublikamızın sosial-iqtisadi inkişafına, beynəlxalq aləmdə Azərbaycanın nüfuzunun artmasına, insanların sosial rifah halının yüksəldilməsinə xidmət etdiyini bildirib, Hümbət Hüseynovun bir hüquqşünas kimi bütün parametrləri – həm ictimai həyatda, həm də idarəçilik sistemindəki mədəni və aktiv fəaliyyəti ilə deputatlığa layiqli namizəd olduğunu vurğulayıblar.
Deputatlığa namizəd Hümbət Hüseynov çıxış edərək ona etimad göstərənlərə minnətralıq edib və deyib ki, parlamentdə təmsil olunacağı təqdirdə seçiciləri narahat edən bütün problemli məsələlirin Milli Məclis kürsüsündə səsləndirəcəyinə, onların həllinə çalışacağına söz verib.
Sonda görüş iştirakçıları sentyabrın 1-də keçiriləcək parlament seçkilərində seçiciləri H.Hüseynova səs verməyə çağırıblar.
Xatırladaq ki, 2024-cü il sentyabrın 1-də Azərbaycan Respublıkası Milli Məclisinin VII çağırış deputatlarının seçilməsi üçün növbədənkənar parlament seçkiləri keçiriləcək. Majoritar seçki sistemi ilə keçirilən seçkilərdə Azərbaycan Milli Məclisinin 125 deputatının seçilməsi nəzərdə tutulub.
