İlk oyunların mənzərəsi: epizodlar, növbəti oyunlar və bombardirlər
Rakus.az xəbər verir ki, sentyabrın 14-də aılış mərasimindən sonra A və B qrupunda 2 qarşılaşma baş tutub. Meydana saat 19:00-da ilk olaraq “Report” və “Veteranlar” komandaları çıxıb. Gərgin mübarizə şəraitində keçən qarşılaşma “Veteranlar”ın 8:2 hesablı qələbəsi ilə yekunlaşıb.
B qrupunda isə saat 20:00-da “Gənclər 2020″ – “Qoşabulaq” oyunu çox maraqlı keçib. İlk hissədə komandalar bərabər səviyyəli oyun nümayiş etdiriblər. Lakin “Gənclər 2020″ ikinci hissədə üstünlüyü əldə edərək sahədən qələbə ilə ayrılıb – 5:3.
14 Sentyabr – Bakı Tennis Akademiyası
I tur
A Qrupu
19:00
“Report” – Veteranlar – 2:8 Səbuhi Məmmədov (2) – (“Report”)
Qollar: Aqil Qurbanov (2), Xəlil Xudiyev, Şükür Məmmədalıyev, Emin Qasımov, Raul Məmmədalıyev, Araz Qurbanov, Ramiz Vəlizadə – (“Veteranlar”)
B Qrupu
20:00
“Gənclər 2020”-“Qoşabulaq”-5:3
Qollar: İlkin Kərimli (2), Emil Qurbanzadə (2), Ruslan Əliyev (“Gənclər 2020”)
Anar Verdiyev (3) – (“Qoşabulaq”)
Hakimlər – Ramil Namazov, İmran Məhərrəmov.
xxx
Sentyabrın 15-də C və D qrupu üzrə 1-ci turun son 2 qarşılaşması olub.
C qrupu üzrə yaşıl sahəyə ilk olaraq “Report” ilə “Ardanış” komandaları çıxıb. İlk hissədən üstünlüyü ələ alan “Ardanış” rəqibin qapısından 7 top keçirib. “Report” bunlardan yalnız birinin əvəzini çıxıb.
15 Sentyavr – Bakı Tennis Akademiyası
19:00
C qrupu
AZƏRTAC – “Ardanış 1:7
Qollar: Rasim Həsənov (4), Azər Hüseynov (2), Əsgər İbrahimov (1) – (“Ardanış”)
Sabit Bilalov (AZƏRTAC)
D qrupunda isə “Göyçə” və “Nərimanlı” qarşılaşıb. Birincilər daha yaxşı oyun nümayiş etdirərək 6:4 hesabı ilə qələbə qazanıblar.
D qrupu
20:00
“Göyçə” – “Nərimanlı” – 6:4
Qollar: Pərviz Həsənov (3), Güvən Məmmədov (2) – (“Göyçə”) avtoqol 1.
Samir Əmirov (4) – (“Nərimanlı”)
Hakimlər – Vüsal Balaşov, Elgün Səfərov
Növbəti oyunlar həftənin sentyabrın 21-də, həftənin 6-cı günü keçiriləcək.
TURNİR VƏ BOMBARDİRLƏR CƏDVƏLİ
OYUNLARIN CƏDVƏLİ
21 sentyabr
II tur
A qrupu
19:00 “Turan” – “Report”
B qrupu
20:00 BakuWS- “Qoşabulaq”
22 sentyabr
C qrupu
19:00 “Ardanış” – “Zəfər 44″
D qrupu
20:00 AzTV- “Nərimanlı”
28 sentyabr
III tur
A qrupu
19:00 “Veteranlar” – “Turan”
B qrupu
20:00 Baku WS – “Gənclər 2020”
29 sentyabr
C qrupu
19:00 AZƏRTAC – “Zəfər 44”
D qrupu
20:00 “Göyçə” – AzTV
5 oktyabr
4/1
A1-B2 – 19:00
A2-B1 – 20:00
6 oktyabr
C1-D2 – 19:00
C2-D1 – 20:00“
12 oktyabr
YARIMFİNAL
A1-C2 – 19:00
D2-B1 – 20:00
13 oktyabr
19:00 – 3-cü yer
20:00 – FİNAL-Bağlanış-Mükafatlandırma
Xatırladaq ki, Ardanış Futbol Akademiyasının və Rakus.az saytının təşkilatçılığı, Bakı Tennis Akademiyasının dəstəyi ilə keçirilən turnirin məqsədi Birinci və İkinci Qarabağ savaşında canlarını fəda etmiş mərd mübarizlərin xatirəsini anmaq, 44 günlük Vətən müharibəsi iştirakçılarının qəhrəmanlıq nümunələrini yaşatmaq, şəhid jurnalistlər Məhərrəm İbrahimov və Sirac Abışovun timsalında erməni terrorunun qurbanı olan media nümayəndələrimizin – Çingiz Mustafayev, Kazımağa Kərimov, Osman Mirzəyev, Alı Mustafayev, Fəxrəddin Şahbazov, Arif Hüseynzadə və Salatın Əsgərovanın öz peşələrindən əlavə, yeni nəslin sağlam ruhda vətənpərvər böyüməsinə töhfə verməkdir. Bu il turnirdə 12 komanda – “Ardanış, AzTv, AZƏRTAC, BAKU.WS, “Report” “Nərimanlı”, “Veteranlar”, “Turan”, “Hərbçilər”, “Gənclər”, “Qoşabulaq” və “Göyçə” adı altında mübarizə aparacaq. Turnirdə Azərbaycan mediasını 4 komanda təmsil edir.
“Mister Tum”, “Sultan keramik” və “Bee Tours” şirkətlərinin tərəfdaşlığı ilə keçirilən Ənənəvi Xatirə Turnirinə informasiya dəstəyini Azərbaycan Dövlət Televiziyası (AzTv), Baku TV, AZƏRTAC, “Report” İnformasiya agentlikləri, BAKU.WS portalı, Rakus.az və Manşet.az saytaları verir. Bu il turnirdə 12 komanda – “Ardanış, AzTv, AZƏRTAC, BAKU.WS, “Report” “Nərimanlı”, “Veteranlar”, “Turan”, “Hərbçilər”, “Gənclər”, “Qoşabulaq” və “Göyçə” adı altında mübarizə aparır. Turnirdə Azərbaycan mediasını 4 komanda təmsil edir. İştirakçılar arasında 44 günlük Vətən müharibəsi zamanı ön cəbhələrdən şəhid həmkarları kimi operativ xəbərlər, reportajlar hazırlayan jurnalistlər də var.
Turnir hər birində 3 komanda olmaqla 4 qrupdan ibarətdir və sentyabrın 14-də başlayıb oktyabrın 18-dək başa çatacaq. Qruplar üzrə dairəvi sistemlə keçiriləcək mübarizə nəticəsində qrupda xal və top hesabına 1 və 2-ci yeri tutan komandalar 4/1-ə yüksələcək. Bu oyunlarında iştirak edəcək 8 komandadan qalib gələn 4 komanda yarımfinala çıxacaq. Yarımfinalda A1-in qalibi C2-nin qalibi ilə, D2-nin qalibi ilə B1-in qalibi görüşəcək. Qruplar üzrə qalib komandalar FİNAL-da, məğlublar isə 3-cü yer uğurunda qarşılaşacaq. Turnirin razılaşdırılmış qaydasına əsasən, qarşılaşmalar hər biri 25 dəqiqə olmaqla iki hissədən ibarətdir. Yarımfinal və final oyunları zamanı əsas vaxtda qalib müəyyənləşməzsə, penalti təyin olunacaq. AFFA hakimlərinin idarə edəcəyi turnirin Təşkilat Komitəsi iştirakçı komandaların nümayəndələrindən təşkil olunur və hər bir problemli məsələ komitə tərəfindən verilən qərarla həll edilir. Komandaların 12 nəfərlik heyətində yarış başa çatanadək heç bir dəyişiklik reallaşdırılmır.
Oyunlar şənbə və bazar günləri saat 19:00, 20:00-da keçirilir və AFFA-nın hakimləri idarə edir. Final oyunu isə oktyabrın 13-də baş tutacaq. Xatirə turnirində qalib komandalara, eləcə də “ən yaxşı oyunçu”, “ən çox qol vuran”, “nümunəvi komanda” nominasiyaları üzrə kubok, medal və hədiyyələr nəzərdə tutulub.
