“Ermənistan 300 min Qərbi azərbaycanlının hüququnu inkar edir” – DEPUTAT
“1980-ci illərin sonlarından etibarən 1990-cı ilin əvvələrinə qədər etnik təmizləməyə məruz qalaraq zorla Ermənistandakı öz tarixi torpaqlarından çıxarılan təxminən 300 min azərbaycanlı hələ də didərgin düşmüş vəziyyətdədir”.
Rakus.az xəbər verir ki, bunu Asiya Parlament Assambleyasının (APA) nümayəndə heyətinin rəhbəri Rizvan Nəbiyev bu təşkilatın 15-ci plenar sessiyasında çıxışı zamanı deyib.
O bildirib ki, Qərbi Azərbaycan İcmasının təhlükəsiz və ləyaqətli qayıdış üçün dialoq çağırışlarına baxmayaraq, Ermənistan hökuməti onların bu fundamental hüququnu inkar edir: “Qeyd etmək istərdim ki, bu hüquq beynəlxalq insan hüquqları sənədlərində təsbit olunub və regionda sülh, sabitlik və ədalət naminə təmin edilməlidir. Biz Asiya regionunda beynəlxalq hüququn prinsiplərinə uyğun olaraq ədalətli və davamlı həll yolunun tapılmasına dəstəyimizi davam etdirəcəyik”.
