Trampın dövlət səfəri Britaniya üçün nə vəd edir – TƏHLİL - FOTO
ABŞ Prezidenti Donald Trampın iyunun 3-dən etibarən Böyük Britaniyaya dövlət səfəri başlayıb.
Rakus.az xəbər verir ki, səfər zamanı o, kral ailəsi ilə görüşü, dövlət səviyyəsində şam ziyafətində iştirakı və baş nazir vəzifəsini tərk etməyə hazırlaşan Tereza Mey ilə danışıqları planlaşdırılıb.
Britaniya kraliçası Elizabet bazar ertəsi Trampı və həyat xanımı Melaniyanı Bukingem sarayında salamlayıb. 41 salyut atəşinin daxil olduğu qarşılama mərasimindən sonra Tramp kraliça ilə nahar etmək üçün saraya daxil olub.
Trampın səfəri Britaniyada siyasi böhran zamanına təsadüf edir. Baş nazir Mey keçən ay vəzifəsindən istefa edəcəyini bildirib. Buna səbəb Britaniyanın Avropa İttifaqından çıxışının təmin edilməməsidir.
Bu proses Meyin vəzifəsini tutacaq davamçısı tərəfindən tamamlanmalı olacaq. Lakin bu məsələnin aydın həlli görünmür.
Tramp ictimai şəkildə sabiq xarici işlər naziri Boris Consonu dəstəkləyərək, müxbirlərə bazar günü bildirib ki, o Londonda olduğu müddət Conson və “Brexit” tərəfdarı olan Naycel Farac ilə görüşə bilər.
Trampın səfər planlarına daxil olmayan onun London meri Sadiq Xan ilə görüşüdür. Xan The Observer dərgisində yazmışdı ki, Trampın Britaniyada dövlət görüşündə salamlanması yanlışdır. London meri Trampın Britaniya ifrat sağçı qrupların tvitlərini paylaşdığını, onun iqlim dəyişilməsinin elmi sübutlarını inkar etməsi və Meyin əvəz edilməsinə “utanmazcasına müdaxilə etməsini” qeyd edib.
Xan ilə görüşə necə yanaşdığı barədə verilən suala Tramp bazar günü bildirib ki, “Yox, mən onun haqqında yaxşı fikirdə deyiləm.”
Trampın səfərinə İkinci Dünya müharibəsində müttəfiqlərin nasist Almaniyasına qarşı əməliyyatlarının başlamasının ildönümünün həm Britaniyada, həm də Fransada keçiriləcək mərasimlərində iştirakı, o cümlədən İrlandiyada dayanacaq da daxilir.
