Rusiya Venesueladan çıxmır, ancaq nüvə sazişindən çıxır – TƏHLİL - FOTO
Xarici siyasət mövzusuna həsr olunmuş geniş müzakirədə Rusiya Prezidenti Vladimir Putin ABŞ maraq göstərmədiyi təqdirdə ölkəsinin silahlara nəzarəti təsbit edən Yeni START müqaviləsini tərk etməyə hazır olduğunu bəyan edib.
Rakus.az xəbər verir ki, Sankt-Peterburqda Beynəlxalq İqtisadi Forumda çıxış edən V.Putin habelə ABŞ Prezidenti Donald Trampın öncəki bəyanatını təkzib edərək Rusiyanın hərbi personalı Venesueladan çıxarmadığını qeyd edib.
Beynəlxalq xəbər agentliklərinin rəhbərləri ilə görüşdə V.Putin Vaşinqtonun 2021-ci ildə möhləti bitəcək sazişi yeniləməkdə tərəddüd göstərdiyini deyib: “Biz onu uzatmaq məcburiyyətində deyilik. Bizim sistemlərimiz Rusiyanın təhlükəsizliyini uzun dönəmə təmin edə bilər. Əgər heç bir tərəf Yeni START sazişini uzatmağa meyl göstərmirsə, onda biz onu etməyəcəyik.”
Praqada 2010-cu ildə imzalanmış müqavilə ölkələrin sahib ola biləcəyi strateji nüvə başlıqlarının və rakiet qurğularının sayını yarıya endirib.
Venesuelaya gəldikdə V.Putin bildirib ki, rus texniki ekspertlər həmin ölkədəki hərbi avadanlığa xidmət göstərmək üçün ölkədə qalmaqda davam edirlər: “Biz orada bazalar yaratmırıq, yaxud oraya qoşun göndərmirik. Ancaq biz hərbi və texniki əməkdaşlıq sahələrində öz vəzifəmizi yerinə yetirməkdə davam edəcəyik”.
Xatırladaq ki, bu həftənin əvvəlində ABŞ Prezidenti Donald Tramp “Tvittter”də yazmışdı ki, Rusiya Vaşinqtona “hərbçilərin böyük kəsimini Venesueladan çıxardığnı” bildirib.
