Şirməmməd Hüseynovla vida mərasimi keçirilir - FOTO
Bakı Dövlət Universitetində (BDU) Azərbaycanın görkəmli alimi və mətbuat tədqiqatçısı, Ali Media Mükafatı laureatı, Prezident təqaüdçüsü, BDU-nun Mətbuat tarixi və ideoloji iş metodları kafedrasının professoru Şirməmməd Hüseynovla vida mərasimi keçirilir.
Rakus.az xəbər verir ki, vida mərasimi universitetin əsas binasındakı akt zalında təşkil olunub.
Mərasimdə BDU rəhbərliyi, Mətbuat Şurasının sədri, deputat Əflatun Amaşov, ombudsman Elmira Süleymanova, Azərbaycan Dillər Universitetinin rektoru Kamal Abdulla, Qafqaz Müsəlmanları İdarəsinin sədr müavini Fuad Nurullayev, mədəniyyət nazirinin müavini Vaqif Əliyev, digər rəsmi şəxslər, alimin tələbələri, ictimaiyyət nümayəndələri və mərhumun ailə üzvləri iştirak edirlər.
Xatırladaq ki, vida mərasimi saat 13:00-dək davam edəcək. Mərasimdən sonra mərhumun nəşi İkinci Fəxri xiyabanda dəfn olunacaq.
