İran 17 casus ələ keçirdi – ABŞ isə yalanladı – TƏHLİL - FOTO
İran ABŞ-ın Mərkəzi Kəşfiyyat Agentliyinə (CIA) çalışan 17 casus ələ keçirib.
Rakus.az xəbər verir ki, onların bəzilərinə ölüm hökmü çıxarıldığı bildirilir. İran televiziyasında həmin şəxslər nümayiş etdirilib.
İran hələ iyun ayında CIA üçün çalışan casus qrupunun ələ keçirildiyini bəyan etmişdi. Bu 17 nəfərin həmin işlə əlaqəsi bəlli deyil.
ABŞ Prezidenti Donald Tramp yazdığı tvitdə İranın “CIA casuslarını” yaxalaması haqda dediklərini “tamamilə saxta adlandırıb.”
“Yenə də dini rejimin yaydığı yalanlar və propaqanda”, – Tramp İran hökumətinin nə edəcəyini bilmədiyini yazıb.
ABŞ Dövlət Katibi Mayk Pompeo da İranın iddialarını rədd edib.
“İran rejiminin yalan danışmaq üzrə uzun tarixçəsi var. Yalan danışmaq ayətullanın xislətidir. Mən Iranın iddialarına böyük şübhə ilə yanaşmağı tövsiyə edərdim”, – ” , -o Fox News telekanalına bildirib.
Son günlər İranın Hörmüz boğazında Britaniya bayrağı altında idarə olunan tankeri ələ keçirməsi ilə bağlı qlobal gərginlik artıb.
Böyük Britaniya İranın Fars körfəzində fəaliyyət göstərən neft tankerinin ələ keçirilməsini “qərəzli addım”adlandırıb və Tehranın gəmini qəzaya uğradığına görə ələ keçirdiyinə dair izahatını rədd edib.
Bu gün Britaniya hökuməti atılacaq növbəti addımlarla bağlı parlament sessiyası keçirib.
