Biz ismayıllılar belə deyilik
Allahın bəxş etdiyi, təbiətin yaratdığı gözəlliklərin diyarı, Azərbaycanın mirvarisi İsmayıllıdan olduğum üçün Allahıma çox minnətdaram. İsmayıllının yetişdirdiyi elm adamları, dövlət xadimləri və incəsənət nümayəndələri ilə daim fəxr etmişəm məndə İsmayıllıdanam. İki gün əvvəl də İsmayıllıda oldum. Son dövrlər İsmayıllıda aparılan abadlıq-quruculuq və görülən digər işləri nəticəsi olaraq rayonumuzda olan inkişaf məni mox sevindirdi. Rayonda gəzərkən şəhərin Günəşli adlanan ərazisində yeni tikilən uşaq bağçasının ətrafındakı mənzərə məni çox məyus etdi. Elə gözəl bir binanın hasarının eybəcər formada kəsintili, çıxıntılı olması binaya və əraziyə uyğun gəlməyən formada idi. Yaxınlıqda yaşayan sakinlərdən biri ilə söhbət edərkən bunun səbəbini soruşdum. Eloğlumuzun dərdi açıldı nə açıldı.
– Eloğlunun dedikləri: Rayonun əvvəlki rəhbərliyinin vaxtında rayonda olan uşaq bağçalarının hamısını özəlləşdirdilər, satdılar. Bu İsmayıllının gələcəyi olan uşaqlarımızı düşünmədilər. İndi də düşünənlərə imkan vermirlər. Sağ olsun Prezidentimizi İsmayıllıda yeni uşaq bağçasının tikintisi üçün sərəncam verdi. Bağçanın tikintisi üçün rayonda boş yer tampaq böyük qlobal problemə çevrildi. O vaxtlar ləğv edilən Torpaq Komitəsinin İsmayıllı nümayəndəsi Rövşən Beybutov rayonda harda 2 metr boş yer görübsə keçirib qohum-əqrabasının adına. Qardaş insana nə qədər torpaq lazım olar?. Rayonda bəlkə də 50 yerdə torpaqları var, haranı soruşursan Beybutovların adına çıxır. Şəhərdə “VAZ” deyilən yer var. Oranı alıblarmış indi orda böyük tikintilər aparır. Eyni vəziyyət orda da var bütün günü məhkəmədədir ordakı tikinti aparanlarla. Oralarda da harda boş yer olubsa keçirib adına.
Orda illərlə işləyənlər birdə ayılıblar ki, illərlə işlədikləri iş yerləri sən demə Beybutovlarındır. Bu gördüyünüz yeni tikilən bağçanın hasarının da əyrisi həmin Beybutovun mərifətidir. Əlində möhürt olan vaxtı buraları da keçirib adına indi də burdan beş metr yeri bu İsmayıllının gələcəyi olan uşaqlara qıymadı. Bu cür gözəl tikilini bax belə şikəst elədilər. Belələrinə nə ad verəsən? Bunlara necə İsmayıllı övladı deyəsən?
Eloğluna deməyə söz tapmadım. Bircə onu dedim ki, düz deyirsən ay eloğlu, biz İsmayıllar belə deyilik.
Sahib Muradlı
