Pulsuz hüquqi yardım göstəriləcək
Azərbaycan Vəkillər Kollegiyasının üzvləri Astara və ətraf rayonun sakinlərinə pulsuz yardım göstərəcək.
Rakus.az xəbər verir ki, Kollegiyadan verilən məlumata görə, “Azərbaycan Respublikasında vəkilliyin inkişafı ilə bağlı əlavə tədbirlər haqqında” Azərbaycan Respublikası Prezidentinin 22 fevral 2018-ci il tarixli Sərəncamı ilə Azərbaycan Respublikasının Vəkillər Kollegiyasına hüquqi məsləhətə ehtiyacı olan aztəminatlı şəxslər üçün pulsuz hüquqi xidmətlər göstərilməsinin təşkil edilməsi tövsiyə edilib.
Qeyd olunan tövsiyənin icrası ilə əlaqədar olaraq keçirilən tədbirlər çərçivəsində 07 sentyabr 2019-cu il tarixdə, Bakı şəhəri 20 saylı Vəkil Bürosu tərəfindən Astara şəhəri Mərkəzi Kitabxanasında, saat 10:00-13:00-da Astara və ətraf rayonlarda yaşayan vətəndaşlara ödənişsiz hüquqi yardım göstərilməsi nəzərdə tutulub.
Bu kimi tədbirlər Respublikanın digər regionlarında da müntəzəm olaraq keçiriləcəkdir.
