Kapital Bankın Quba filialı müştərini süründürdü
“Avtomobilimə dəyən ziyanı aradan qaldırmaq üçün “Atasığorta”dan Kapital Bankda hesab açdırmağımı məsləhət gördülər. Operativ olaraq həmin bankda hesab açdım. Amma sığortadan deyilən vaxtda vəsaiti ödəmdilər. Bu səbəbdən də bərk əsəbləşdim və sığortanın rəhbərliyini xeyli ittiham etdim. Amma sonradan bildim ki, təqsirkar sığorta şirkəti deyil, bankın Quba filiallarıdır”.
Rakus.az xəbər verir ki, bunu Quba rayon sakini Oktay Məmmədov deyib.
Qarşılaşdığı çətinliklərlə bağlı redaksiyamıza şikayət edərək bildirdi ki, qalmışdım sığorta ilə bankın filialları arasında. Sən demə sığorta ödəyib, bankın Quba filialları isə məni get-gələ salır. Rayonda olan hər iki filiala yaxınlaşan kimi “pulun keçməyib” deyərək məni qaytarırdılar. Ancaq sığorta şirkətindən ödənişən qəbzini tələb edərək gördüm ki, nəzərdə tutulan vəsait sentyabrın 13-də ödənilib. Ayın 17 və 18-də bankın bu filiallarına getsəm də pulun köçürülmədini bildirdilər. Bankın filialları arasında qalmışdım, əsəblərimi cilovlaya bilmirdim. Sonda ödəniş qəbzini göstərdim və bir müddət gözlədikdən sonra pulumu ala bildim.
Məsələyə aydınlıq gətirmək üçün bankın Quba “ASAN xidmət”in yanındakı filialı ilə əlaqə saxladıq. Filialın müdiri redaksiyamıza edilən şikayəti dinlədikdən sonra bizə məlumat verməyərək, qeyd etdi ki, qoy özü gəlsın. Müştərinin süründürüldüyündən bərk əsəbi olduğu üçün gələ bilmədiyini deyərək şəxsiyyət vəsiqəsini və sığortanın ödəniş qəbzini təqdim etmək istəsək də məhəl qoyulmadı.
Hörmətli “Kabital Bank” ASC-nin məsul şəxsləri, qeyd olunan məsələnin araşdırılmasını, ölkəmizdə yetərincə reytinqi olan bankınızın nüfuzuna mənfi təsir edən belə halların aradan qaldırılmasını və müştərilərin süründürməçiliyinə son qoyulmasını xahiş edirik.
Hörmətlə,
Mikayıl Nərimanoğlu,
Əməkdar jurnalist
