ZƏNGİLAN: Ramiz Həsənov köçkünləri Hacıqabulda dinlədi
Əhalinin problemlərinin yerində öyrənilməsi və həll edilməsi məqsədilə Rayon İcra Hakimiyyətinin başçısı Ramiz Həsənovun növbəti səyyar görüşü oktyabr ayının 1-də Hacıqabul rayonu, Qızılburun qəsəbəsində məskunlaşan zəngilanlı məcburi köçkünlərlə keçirildi.
Rakus.az xəbər verir ki, rayon İcra Hakimiyyətinin başçısı Ramiz Həsənov çıxış edərək, cənab Prezidentin apardığı uğurlu siyasət nəticəsində respublikamızda qazanılan uğurlardan, əhalinin sosial problemlərinin həlli istiqamətində həyata keçirilən tədbirlərdən və bu sahədə qarşıda duran vəzifələrdən ətraflı danışdı.
Daha sonra Zəngilan rayon icra hakimiyyətinin başçısı sakinlərin problemlərinin yerində öyrənilməsi və həll edilməsi məqsədilə müraciətləri dinlədi. Ayrı-ayrı sahələrə dair məsələlərin çoxu yerində həll edildi, bəzilərinin isə həlli nəzarətə götürüldü.
Səyyar görüş zamanı çıxış edən sakinlər məcburi köçkünlərə göstərilən xüsusi diqqət və qayğıya görə ölkə Prezidentinə minnətdarlıqlarını bildirdilər.
