Ingilisdilli vəkillər üçün təlim keçiriləcək
“Vəkillər sahibkarlara məsuliyyətli iş barədə qlobal minimum standart barədə məsləhətlər verə bilməlidirlər.” – BMT-nin Sahibkarlıq və İnsan Hüquqları üzrə Rəhbər Prinsipləri (UNGPs).
Sahibkarlar, vəkillər kimi insan hüquqlarına hörmətlə yanaşmalıdır. Bu nə deməkdir? Azərbaycan Respublikasının Vəkillər Kollegiyası Azərbaycan Vəkilliyinin 100 illik yubileyi çərçivəsində UNGP üzrə beynəlxalq səviyyədə aparıcı mütəxəssis cənab Sune Skadegaard Thorseni, UNGP və onun vəkillər üçün əhəmiyyəti barədə təlim keçməsi üçün dəvət edib.
Rakus.az xəbər verir ki, Vəkillər Kollegiyasından verilən məlumata görə, təlim 7 oktyabr, saat 09:00-13:00-da Vəkillər Kollegiyasının inzibati binasında keçiriləcək.
Vəkillər Kollegiyasının ingilisdilli üzvləri təlimdə iştirak edə bilərlər.
Təlimdə iştirak etmək arzusunda olan vəkillər sanan.shirinov@barassociation.az elektron poçt ünvanı vasitəsilə müraciət edə bilərlər.
