İmran Xanın vasitəçilk səyləri – İranın Səudiyyə Ərəbistanı və ABŞ-la gərginliyi azalacaqmı – TƏHLİL - FOTO
Pakistanın Baş naziri İmran Xan İranın Səudiyyə Ərəbistanı və ABŞ-la gərginliyinin azaldılmasında vasitəçilik etmək istədiyini bildirib.
Rakus.az xəbər verir ki, İran Prezidenti Həsən Ruhani ilə mətbuat konfransında çıxış edən İ.Xan ölkəsinin həm Tehran, həm də Ər-Riyadla yaxın əlaqələrə malik olduğunu vurğulayıb.
O deyib: “Biz məsələnin mürəkkəb olduğunu qəbul edirik. Lakin bu, dialoq yolu ilə həll oluna bilər.
İ.Xan çərşənbə axşamı günü sülh missiyası ilə Səsudiyyə Ərəbistanına səfər edəcəyini deyib.
Pakistan lideri ölkəsinin daha əvvəl də İranın Səudiyyə Ərəbistanı ilə diqloquna ev sahibliyi etməsi təklifini xatırladıb və Pakistanın buna bir daha hazır olduğunu söyləyib.
Həsən Ruhani də regiondakı gərginliklərin siyasi müzakirələrlə həll olunmasında Xanla razılaşdığını bildirib, Pakistana sülhpərvər səylərinə görə təşəkkür edib.
Ümumiyyətlə, İranın Səudiyyə Ərəbisyanının neft obyektlərinin dron hücumlarına məruz qalmasından sonra regionda gərginliklər daha da artıb.
Birləşmiş Ştatlar, Səudiyyə Ərəbistanı və Qərbi Avropa ölkələri hücumda İranı günahlandırıb.
İran bu ittihamları rədd edib.
Bildirək ki, bundan əvəl İranın xarici işlər naziri ölkəsinin regiondakı problemlərlə bağlı Səudiyyə Ərəbistanı ilə danışıqlar masasına oturmağa hazır olduğuna işarə edib, lakin bundan əvvəl Ər-Riyadın “insanları öldürməyə” son qoymalı olmasını deyib.
“İranla danışıqlar masasına oturub regiondakı vəziyyəti müzakirə etmək istəyən Səudiyyə Ərəbistanı insanları öldürməyi dayandırsa, şübhəsiz ki, İslam Respublikası onun yanında olacaq”, – Məhəmməd Cavad Zərif bildirib.
Şiə müsəlman çoxluğa malik İranla sünni çoxluqlu Səudiyyə Ərəbistanı vətəndaş müharibəsinin alovlandığı Yəməndə qarşı tərəfləri dəstəkləyirlər.
Sentyabr ayında Səudiyyə Ərəbistanının neft obyektlərinə dron hücumları iki ölkə arasında gərginliyin artmasına səbəb olub.
Birləşmiş Ştatlar prezidenti Donald Tramp Səudiyyə Ərəbistanının neft emalı zavodlarına edilən hücuma görə məsuliyyəti İranın daşıdığını deyib.
Hücumun məsuliyyətini İranın dəstəklədiyi Yəmən husiləri öz üzərlərinə götürüblər. Tehran isə hücumlarla əlaqəsini inkar edərək, bunu “maksimum yalan” adlandırıb.
“Yəmən xalqı özünü müdafiə hüququndan istifadə edir. Hücumlar qarşılıqlıdır. Onlar dayandırılmalı və Yəmən böhranı siyasi yolla həll edilməlidir”, – İran Prezidenti bildirib.
Regiondakı durum neft qiymətlərinin artmasına səbəb olub.
Səudiyyə Ərəbistanı BMT və beynəlxalq ekspertləri araşdırmalarda iştirak etməyə dəvət edib.
