Bir neçə rayona icra başçısı təyinatları oldu
Bir neçə rayona icra başçıları təyin edilib.
Rakus.az xəbər verir ki, Prezident İlham Əliyev bu təyinatlarla bağlı sərəncam imzalayıb.
İlqar Namaz oğlu Abbasov Şirvan Şəhər İcra Hakimiyyətinin başçısı təyin edilib. O, Bakı şəhəri Suraxanı Rayon İcra Hakimiyyətinin başçısı vəzifəsindən azad edilib.
Yasamal Rayon İcra Hakimiyyətinin başçısı Əziz İmran oğlu Əzizov vəzifəsindən azad edilərək Bakı şəhəri Suraxanı Rayon İcra Hakimiyyətinin başçısı təyin edilib.
Elşad Eldar oğlu Həsənov Bakı şəhəri Yasamal Rayon İcra Hakimiyyətinin başçısı təyin edilib.
Xatırladaq ki, E.Həsənov 2015-ci ildə 17 saylı Yasamal 3-cü Seçki Dairəsindən V çağırış Azərbaycan Respublikası Milli Məclisinə deputat seçilib.
Rafiq Çəpərxan oğlu Quliyev Bakı şəhəri Xətai Rayon İcra Hakimiyyətinin başçısı təyin edilib. R.Quliyev 17 yanvar 1974-cü ildə Ermənistan Respublikası, Sisiyan rayonu, Ərəvsə kəndində anadan olub. O, 2013-cü ilin dekabrından Xətai Rayon İcra Hakimiyyəti başçısının birinci müavini vəzifəsində çalışırdı.
Xatırladaq ki, 13 dekabr 2018-ci ilə qədər bu vəzifəni Razim Məmmədov tuturdu. Həmin vaxtdan indiyədək Xətai Rayon İcra Hakimiyyətinin başçısı vəzifəsi boş idi.
