Salyanda ilk dəfə səs verəcək gənclər maarifləndirilirlər - FOTO
Dekabrın 23-də keçiriləcək bələdiyyə seçkilərində ilk dəfə səs verəcək salyanlı gənclərlə görüş olub.
Rakus.az xəbər verir ki, “dəyirmi masa”da Salyan Rayon Gənclər və İdman İdarəsinin rəisi Araz Hüseynov Azərbaycan gənclərinin ictimai həyatın bütün sahələrində yüksək fəallıq göstərdiklərini bildirib. Qeyd edib ki, gənclərimiz ölkəmizdə yaradılan geniş imkanlardan bəhrələnən gənclər hazırda cəmiyyətin hərəkətverici qüvvəsinə çevriliblər.
Tədbirdə gənclərə seçicinin hüquq və vəzifələri haqqında ətraflı məlumat verilib. Bildirilib ki, gənclər üçün yaradılan şərait onların inkişafına, müxtəlif sahələrdə uğurla fəaliyyət göstərmələrinə imkan verir.
Sonra seçki qaydaları haqqında maarifləndirici videoçarx nümayiş etdirilib, gəncləri maraqlandıran suallar cavablandırılıb, müzakirələr aparılıb.
