Bəhruz Quliyev cəmiyyətə ismarış göndərdi
“Vəzifədən gedən adamın əleyhinə kampaniya aparmaq, üstünə getməklə guya kiməsə göstərmək istəyirlər ki, baxın mən onun yanında yoxam”.
Rakus.az xəbər verir ki, bunu alim, fəlsəfə üzrə fəlsəfə doktoru, siyasi ekspert, “Səs” qəzetinin baş redaktoru, Səs Media Qrupunun təsiscisi və rəhbəri, jurnalist Bəhruz Quliyev bildirib. Onun siyasi maraq kəsb edən fikrini olduğu kimi təqdim edirik.
“Mənim fikrimcə….
Salam dostlar. Bir maraqlı məsələ barədə fikirləriniz əhəmiyyətlidir. Sizcə ikiüzlülük, yaltaqlıq edən insan cəmiyyətə və dövlətə xeyir verə bilərmi?
Baxın kimsə vəzifədə olanda onun ətrafınada görünmək üçün dəridən-qabıqdan çıxan bəziləri həmin adam vəzifəsini itirəndən sonra ona qarşı ən sərt mövqedə duranlardan birinə çevrilir. Vəzifədən gedən adamın əleyhinə kampaniya aparmaq, üstünə getməklə guya kiməsə göstərmək istəyirlər ki, baxın mən onun yanında yoxam.
Məncə bu yanaşma düzgün deyil. İnsanın vəzifəsi onun şəxsiyyəti, mənəviyyatı deyil axı. Vəzifədəikən dövlətə, xalqa xidmət, bu bir şansdır və xidmət imkanlarının genişliyidir. Kimsə xidməti dövründə hansı hörməti qazanıbsa və ya hörmətdən düşübsə bu artıq bir məmurun özünü aparmağı və özünü təsdiqidir. Əgər bir məmur öz postunda olarkən xidməti ilə təmsil olunduğu komandaya və özünə hörmət qazandıra bilibsə bu çox yaxşıdır. Amma vəzifədən çıxdısa da ona qarşı hərtərəfli hucum, kampaniya, bu artıq biabırçılıqdır və qəbuledilməzdir. Yıxılanı baltalamağa nə var ki? Lap düşmənçilik də aparsan belə, kişi kimi düşmənçiik etmək lazımdır…. Biz tarixən belə hadisələrin çox şahidi olmuşuq. Amma yaltaqlıq bütün dövrlərdə həm təhlükəlidir, həm də elə xəyanətdir. Üzəduranlıq heç yaxşı şey deyil, məncə…
Əziz dostlar, fikirləriniz çox maraqlı olardı?…”
