Bu yollar bağlanır
Novruz bayramı şənliklərinin keçirilməsi ilə əlaqədar bu gündən etibarən Bakının bir sıra yollarında nəqliyyatın hərəkət istiqaməti dəyişdirilir.
Rakus.az xəbər verir ki, Bakı Şəhər Dövlət Yol Polisi İdarəsinin məlumatına görə, Novruz bayramında keçiriləcək şənliklərlə əlaqədar səhər saatlarından etibarən tədbir tam başa çatanadək İçərişəhər – Qoşa Qala qapısı, Fəvvarələr meydanı, Qız qalası və Neftçilər prospekti, “Azneft” dairəsi istiqamətində olan yollarda avtomobillərin hərəkətinə məhdudiyyət qoyulmaqla istiqamət dəyişdiriləcək. Belə ki, “Azneft” meydanı, Əziz Əliyev, Zərifə Əliyeva, Niyazi və İstiqlaliyyət küçələrində, Üzeyir Hacıbəyli, Bülbül, Səməd Vurğun və tədbirlərin keçirildiyi ərazilər, onlara bitişik küçə və yollar nəzarətə götürülərək avtomobillərin hərəkəti məhdudlaşdırılacaq.
