Azərbaycan Televiziyası koronavirus xəstələrinin müalicə aldığı xəstəxanadan reportaj hazırlayıb.
Rakus.az xəbər verir ki, reportajda bu günün qəhrəmanları olan həkimlər danışıblar. Onlar xüsusi geyimlə bir neçə növbə işləməyin çətinliyindən söz açıb.
Onlardan biri deyib: “Düz bir aydır övladını görmürəm. Kaş, “evdə darıxıram” deyənlərin yerində olardım”.
TƏBİB-in Müalicə işləri üzrə koordinatoru Fərrux Sədirov bildirib ki, cəmi bir saat içində 12 xəstə qəbul ediblər:
“Bu xəstələrin arasında vəziyyəti ağır olanlar da var. Xəstə sayının azalmasının tək yolu vətəndaşlarımızın karantin qaydalarına ciddi əməl etməsidir. İnanın ki, bir xəstəni müalicə eləmək yüz xəstəni xəstəlikdən qorumaqdan daha çətindir”.
