Mənə doğma gələn ADAM
Sözlərimə bu cümlə ilə başlasam yanılmaram…
Nəinki Azərbaycanda, hətta bu gözəl Vətəndən xaricdə də, demək olar, bütün qitələrdə xüsusi hörmət bəslədiyim barmaq sayı qədər MƏXLUQ var. Təbii ki, onların içində BİRİ xüsusi status daşıyır – RASİM HƏSƏNOV.
Adı gözəl olanın özü də gözəl olar
Düzdür, bu adı daşıyan şəxsi 2002-ci ildən təxmini görməyə başlamışdım. O zamanlar səmimi və ya soyuq münasibətin yaranması üçün məqam yox idi. Bəzi hallarda bu ADAM barədə orta məktəb illərində alman dilindən mənə dərs deyən və bu gün də unudulmayan Yunis müəllimin sayəsində ara-sıra maraqlı söhbətlər eşidirdim. Rasim adı elə o vaxtdan sanki ruhuma hopacaqmış kimi görünürdü. Çünki adı gözəl olanın özü də gözəl olar deyirlər…
Zaman keçdikcə insanlıq şahının, dostluq-yoldaşlıq padşahının, xeyirxahlıq-nəciblik zirvəsinin, səmimiyyət-ünsiyyət qabiliyyətinin, qəlb və könül hərarətinin, ağıl, düşüncə və igidlik nümunəsinin yüksək olduğu bu ADAMın göyərçinləri başımın üstündən uçurdu. Təbii ki, o göyərçinlərə daş atmaq olmazdı. Çünki hələ uşaqlıqdan Pəri nənəmin göyərçinlərə və durna qatarına daş və ya ox atmaq olmaz nəsihəti yadımdan çıxmamışdı. Ruhumun göyündə uçan o göyərçinlərin biz tərəflərə qonacağı uzaqda deyildi və belə də oldu…
Ağlı olan, qışın qeydinə yayda qalar
Bəli, çalışdığı sahədə, ictimaiyyət, dost-tanış, el-oba arasında sevilmək hər kəsə nəsib olmur. Tanrı bunu o insanlara bəxş edir ki, qışın qeydinə yayda qala bilsin. Bu isə ağıl tələb edir. Dərdi dərd əlindən almaq üçün dərdləşmək mütləqdir. Dərdləşməyən tez qocalar. “İgid odur atdan düşə atlana, igid odur hər yaraya qatlana” atalar sözü də məhz bu şəxsdə cəmləşib. Ona görə də onu bu keyfiyyətlərinə görə sevməmək olmur. Bütün bunlar bizlərə bunu xatırladır: hələ o, yaşamalıdır və yaşatmalıdır. Rəbbimiz bu keyfiyyətləri ona məhz yaşayıb və yaşatmağını üçün verib. Çünki, ağlı olan bu ADAM qışın qeydinə yayda qalır!
Sevilən adam üçün yaşın nə fərqi var ki
Bir etirafı edim ki, insanları üzünə tənqid etməyi xoşlayıram, amma üzünə tərifləməyi xoşlamıram. Bu baxımdan Rasim əfəndini də heç vaxt üzünə tərifləmədim. Ona böyük simpatiyamın olduğunu zaman-zaman gizlətsəm də, lakin hər il aprelin 22-nə borcluyam. Çünki, bu tarix MƏNƏ DOĞMA GƏLƏN ADAM haqqında ürəyimi boşaltmaq üçün fürsətdir.
Rasim əfəndi, bu gün yalnız ad gününüz deyil, həyatınızda yaşınızın üstünə daha bir yaş gələn gündür. Geriyə boylandıqda 42 illik ömür baxır ADAMA. Ömrünüzə 1 il əlavə olunsa belə, maşallah, hələ parlaqsınız, hələ təravətlisiniz, hələ aramızdasınız. Siznlə qürurlanmağa, fəxarətlənməyə dəyər. Xarizmanız, təşklatçılıq, rəhbərlik keyfiyyətləriniz, bacarığınız, futbol aşiqliyinizə görə də sevilirsiniz. Belə olan halda, sevilən adam üçün yaşın nə fərqi var ki…
DOST ARZUSU: “İnsanlar zəif olduqları üçün ağlamazlar, uzun müddət güclü olmaq məcburiyyətində qaldıqları və sonda yorulduqları üçün ağlayarlar” müdrik kəlamını xatırladaraq deyirəm: “Heç vaxt zəif olmayasan, heç vaxt ağlamayasan, daim güclü olasan və yorulmayasan. Qoy bu gözəl dünyamızda ən yaxşı məqamlar SƏNİN olsun. Buna tam layiqsən. Təbii ki, cansağlığı, ailə səadəti, bol ruzi-bərəkət də ənənəvi arzumdur. Düşünürəm ki, “Nəzakət ailəyə motora yağ lazım olan kimi lazımdır!” Rasim Həsənov, Sən də əhatəsində olduğunuz insanlara sağlamlıq, firəvanlıq, xoşbəxtlik, həvəs və nəfəs üçün lazımsan. Çünki sənin ruhunun gözəlliyini göyərçinlər də sevir!!!
ƏSGƏR ƏLİOĞLU
