“Başakşəhər” uddu, “Beşiktaş” uduzdu - FOTO
İyunun 13-də futbol üzrə Türkiyə Superliqasının XXVII turunun növbəti oyunu keçirilib.
Rakus.az xəbər verir ki, günün birinci qarşılaşmasında “Başakşəhər” doğma meydanda “Alanyaspor”u qəbul edib. Matçda hesabı 64-cü dəqiqədə İstanbul klubunun yarımmüdafiəçisi Mahmut Tekdəmir açıb. Oyunun 80-ci dəqiqəsində “Başakşəhər”in yarımmüdafiəçisi Edin Viska fərqlənərək komandasına qələbə qazandırıb.
gün ərzində keçirilən qarşılaşmada “Beşiktaş” doğma meydanda “Antalyaspor”u qəbul edib. Matçda hesabı 15-ci dəqiqədə Antalya klubunun hücumçusu Sinan Gümüş açıb. Qonaqlar 35-ci dəqiqədə hesab arasındakı fərqi artırıblar. Amilton Silva komandasının ikinci qolunun müəllifi olub. Meydan sahibləri 68-ci dəqiqədə hesab arasındakı fərqi azaltsalar da məğlubiyyətdən xilas ola bilməyiblər.
Günün digər matçında “Yeni Malatyaspor” “Kasımpaşa”ya 1:2 hesabı ilə məğlub olub.
Turun digər oyunları iyunun 14 və 15-də keçiriləcək.
Türkiyə çempionatında hazırda “Trabzonspor” 56 xalla turnir cədvəlinin liderdir. Onunla eyni xala malik olan “Başakşəhər” ikincidir. “Qalatasaray” 50 xalla üçüncü, “Sivasspor” klubu isə 49 xalla dördüncü pillə qərarlaşıblar. Sonrakı yerlərdə “Beşiktaş” (44 xal), “Alanyaspor” (43 xal), “Fənərbağça” (43 xal) və digər komandalar gəlir. Çempionatın turnir cədvəlinin sonuncu pillələrində isə “Rizəspor” (25 xal), “Ankaragücü” (23 xal) və “Kayserispor” (22 xal) klubları yer alıblar.
