Nağara ifaçısının səhhəti pisləşdi - FOTO
Nağara ifaçısı Zöhrab Məmmədovun səhhəti pisləşib.
Rakus.az xəbər verir ki, bu barədə klarnet ifaçısı Hüseyn Məhəmmədoğlu deyib.
O bildirib ki, musiqiçi uzun müddətdir yataq xəstəsidir.
Onun müalicəsi üçün maddi dəstəyə ehtiyacı var: “Bir dəfə yaxınları yardım üçün kampaniya başlatdılar. Amma heç bir köməkliyi olmadı. Zöhrab nağara sənətinin ən öndəgedən isimlərindən biridir. Ancaq məşhur oxuyanlara yox, belə musiqiçilərə də yardım edin. Vəziyyəti yaxşı deyil”.
Xatırladaq ki, 73 yaşlı musiqiçinin müalicəsi üçün maddi yardıma ehtiyacı var. Nağaraçının yaxınları bununla bağlı “Facebook”da yardım kampaniyasına başlayıblar. Bildirilib ki, onun ayaqları tutulub, çox kəskin arıqlayıb, taqətsizləşib, çətinliklə danışır. Şəkərli diabetdən əziyyət çəkən musiqiçi çoxlu qan itirir, eyni zamanda ağciyərləri və bağırsaqları ilə bağlı ciddi problemlər yaşayır. Təcili cərrahiyə əməliyyatı edilməlidir.
