Mədəni 21.03.2025 10:00

Qoşqar Vəlinin 60 illik ömrünün “Günəş saatı”

Dünyaya gələn Adəm övladlarının ömürü onların yaşı ilə ölçülür. Yəni yaş adam üçün bir zaman vahididir. Təbii ki, insanın fəaliyyəti onun yaşının içində gizlənir, toplanır. Yaşın ölçülməsi istər günəş, su, qum saatları olsun, istərsə  1300-cü ildən başlayaraq Avropa ölkələrində düzəldilən qüllə saatları olsun, istərsə dünyada ilk dəfə 1335-ci ildə İtaliyanın Milan şəhərində düzəldilən sadə mexaniki saat olsun, istərsə XVI əsrin sonunda ingilis saatsazlarının meydana çıxardığı dəqiqə əqrəbli, istərsə XV əsrin ikinci yarısından sonra baş verən yeni təkmilləşməyə sayəsində yaradılan  divar, stolüstü saatlar olsun, istər 1760-cı ildə buraxılan saniyə əqrəbli saat olsun, istər XIX əsrin əvvəllərində istehsal olunan cib və bilək saatları olsun, istərsə də 1800-ci ildə dünyada ilk elektrik və elektromexanki, daha sonralar isə buraxılan elektron saatlar olsun – hamısı  1-dən başlayıb 60-da bitən saniyədən ibarətdir. Dəqiqəni tamamlayan saniyədir, saatı tamamlayan dəqiqədir, Ömrün günlərini isə tamamlayan saatdır. Evimizin divarlarında asılan, gündəlik qolumuzda gəzdirdiyimiz saatlar hesabına əmələ gəlir ömür günü. Günlərin hesabına yaranan aylar ildə yekunlaşır. İnsan saniyədən başlayıb il ilə sonlanan ömründə taleyinə yazılan bəxtini yaşayır. Əslində Allah-Təala hər bir kəsin ömür yolunu əbədiyyən hamar və ya əyri-üyrü yazmır. Bir xətt olaraq şanslı və şanssız etmir. Qarışıq yazılır ömür. Amma hər şey bu ömrün necə və neçə yaşamasından asılıdır. İnsan bu necəliyi məhz yaşının hər neçəliyində qiymətləndirə bilir.

Əlbəttə, yubileylər həm Tanrının verdiyi ömrü  o qədər də yaxşı yaşamayanlar və yaxud ağıllı olub gözəlliklərlə dolu dünyadan həzz alaraq yaşayanlar üçün geridə qalan ömür yoluna nəzər salmaq, həm də tutduğu əməllərin hesabatını vermək və gələcək arzuların edildiyi tarixdir. İnsan üçün bu hesabatın ən yaxşı  vaxtı elə 60-dır. Təbii ki, ömrün bu çağında yaxşı əməllərinlə xatırlanmalısan. İlk olaraq ata-ana üçün yaxşı övlad, ailə üçün mehriban və səmimi, dost-tanış üçün sədaqətli, cəmiyyət üçün faydalı olmalısan. Məhz belə olanlardan biridir Qoşqar Vəli.

Göyçə mahalının Ardanış kəndində 1965-ci il martın 21-də dünyaya göz açan Qoşqar Vəli oğlu Abduyev dürüstlüyün ünvanıdır mənim üçün. Ata-anasından, ailəsindən keçib ona bu ünvan.

Qoşqar Vəli imzası ilə tanıdığım  bu şəxsin 60 illik ömür yolunun yarısından çoxuna şahidlik etmişəm. Həm yol yoldaşı, həm sirr yoldaşı olmuşam və onun haqqında fikir söyləmək, yazı yazmaq haqqını qazanmışam. O adamın 60 illik ömründə qapalı fəaliyyət daha çox olub. Bunu onu tanıyanlardan çoxu da təsdiqləyə bilər ki, Qoşqar Vəlinin qapalı, gizli ömrünün sirri oxumaq, arı kimi çalışmaq, milli dəyərləri, ədəb-ərkanı qorumaq olub. Onun mədəni davranışı hər zaman heyranedici olub. El-obasını dəyərləndirən, həzin və mülayim səsi ilə adamı yaşamağa həvəsləndirən, nəzəri baxışları ilə adamın gözünü nurlandıran Qoşqar Vəli bütövlükdə sağlam xarakteri,  insani keyfiyyətləri ilə seçilən vətəndaşdır. Onunla dostluq etmək, yol yürütmək üçün mütləq dürüst olmalısan. O, həm də yaxşı yol göstərən, məsləhət verən,  çətinliklərdən çıxmağın yollarını bilən və öyrədən adamdır. Tükənməz səbri ilə  adamı özünə bağlayan, pessimizmi optimizmə çevirən adamdır. Onunla söhbət etməyin özü belə xoş olur. Qoşqar Vəlinin təbəssümünün şahidi olmaq da qarşıdakı insanın ruhunu qidalandırır. Çox sevinirəm ki, Qoşqar Vəli ilə yoldaşlaşmışam, məmnunlaşmışam. Elin, obanın belə dəyərli oğulunun 1 yaşı necə gözəl olubsa, 60 yaşı da eləcə gözəldir.

İnsan üçün dünyada qazandığı ən böyük mənəvi nemət yaxşı dost, yoldaş, sirdaş, yolda yıxılanın qolundan tutub qaldıran adamdır. Bu nemət elə Qoşqar Vəlinin özüdür. Novruz güllərinin torpaqdan baş qaldırdığı zamanda doğulub Qoşqar Vəli. Ona görə də hər zaman bahar ətirli olacaq, o ətirin iyisi heç vaxt burnumuzdan getməyəcək.

Beləcə, Qoşqar Vəlinin 60 illik ömrünü saatlaşdırmaq istədim. Birinci saat günəş olub və o yuxarı qalxdıqca, günortaya yaxın,  günəş üfüq xəttinə – horizontala doğru əyildikcə isə axşama doğru sayılıb. Adamlar hər günün əvvəlində vaxtı 4 yerə böldükləri kimi, mən də onun 60 illik ömrünü səhərə, günortaya, axşama və gecəyə böldüm. O, bu vaxtların hamısında elə günəş oldu. Qoşqar Vəli ömrünü yada saldıqca xəyalımda dünyanın “son saatı”nı da istehsal etdim. O yeni saatımda əqrəblər təkcə sağa yox, həm də sola işləyir. O saatda da saniyə 60-dır.

60 illik ömrünün içindəki gözəlliklər çox olduğu üçün qürurlan Qoşqar Vəli. Sən Novruz bayramı ilə qoşasan. Milli bayramımızın içində 60 illik bir çiçəksən. Novruzun və 60 illik yubileyin mübarək! Sənə arzuladığım arzuların çoxunu yaşamısan. İnşallah, bundan sonra yaşamaq istədiyin günlərini ailənə birgə yaşa. Çünki sən yaşamağa layiqsən.

Rəhmətlik Zəlimxan Yaqubun dəyərli bir şerinin bəzi sözlərindən “m” hərfinin “n” hərfi ilə əvəzləyərək Qoşqar Vəlini tərənnüm etmək istəyirəm:

Gah sola boylandın, gahdakı sağa,

Yeridin başına qar yağa-yağa.

Qalxa bilmisənsə, uca bir dağa,

Bu təmiz arzudan, diləkdən gəlir!

Əminəm ki, mənim “son saatım”ın əqrəbləri bundan sonra sənin təmiz arzularının işığında saniyələrini dayandırmadan ürəyinin ritminə uyğun işləyəcək.

Əsgər Əlioğlu

XƏBƏR LENTİ
İqtisadi, Maraqlı, Sosial / 29.10.2026 13:47
Qərbi Azərbaycanın təbiəti: Göyçə gölünün sahilindəki Ardanış/Ardanuc kəndi - FOTO
Siyasi, Sosial / 28.10.2026 12:11
Qərbi Azərbaycan həqiqətləri: Zəngəzurun tarixi kəndi necə məhv edildi? - FOTO
İdman / 28.10.2026 00:16
Xatirə Turnirinin 5-ci turu – yaddaqalan anlar və kadrlar - FOTO
Dünya, Təhlil / 27.10.2026 17:27
Avropanın iki dövlətində baş verənlərə qısa ekskurs – TƏHLİL - FOTO
Mətbuat / 27.10.2026 12:27
“Report”un yeni media mühitində 12 illik fəaliyyətinə BAXIŞ - FOTO
Siyasi, Sosial / 27.10.2026 10:16
Qərbi Azərbaycan Həqiqətləri: Daşkörpüdə tapılan qəbiristanlıq hansı həqiqətləri üzə çıxarır? - FOTO - VİDEO
İdman / 27.10.2026 00:04
Beşinci tur başa çatdı – qol epizodları, xal və bombardirlər CƏDVƏLİ - FOTO - VİDEO
Dünya, Təhlil / 26.10.2026 17:18
Tehran rejimi gözündə görmədiyi tiri niyə dəyişmək istəmir? – TƏHLİL - FOTO
Maraqlı, Mədəni / 26.10.2026 12:09
Özünü axmaq və gülünc kimi göstərən Kramarov kim idi? – ARAŞDIRMA – RETRO BAKU - VİDEO
İdman / 26.10.2026 00:02
Xatirə Turnirində 5-ci turun nəticələri - FOTO
Maraqlı, Siyasi, Sosial / 25.10.2026 10:40
Qərbi Azərbaycan həqiqətləri: Bəriabadın taleyi necə dəyişdi? - FOTO - VİDEO
Sosial / 25.10.2026 08:29
Ailəsi dağıldı, doğmaları xəyanət etdi – “Arzunun vaxtı” - VİDEO
Maraqlı, Siyasi / 24.10.2026 21:23
Qərbi Azərbaycan həqiqətləri: Ərincin bilinməyən tarixçəsi - FOTO - VİDEO
Sosial / 24.10.2026 11:03
“Qayınanam “kapriznıy” idi, kaş başqa cür danışardım” – O VAXTLAR - VİDEO
Maraqlı, Siyasi / 24.10.2026 09:42
Qərbi Azərbaycan həqiqətləri: Ardanışın unudulmuş Azərbaycan tarixi - FOTO - VİDEO
Dünya, Siyasi, Təhlil / 23.10.2026 16:37
Paşinyanın ismarışları – demokratiyadan sui-istifadə metodu – TƏHLİL - FOTO
İdman / 23.10.2026 00:01
Şəhid Jurnalistlərin Xatirə Turnirində 5-ci tur həyacanı başlayır - FOTO
Siyasi, Sosial / 21.10.2026 13:31
Qərbi Azərbaycan həqiqətləri: Almalıq kəndinin tarixi sirləri - FOTO - VİDEO
Sosial / 21.10.2026 12:25
Qarabağlı qayınana, ukraynalı gəlin – “Arzunun vaxtı” - VİDEO
İdman / 21.10.2026 00:22
Xatirə Turnirinin 4-cü turu – yaddaqalan anlar və kadrlar - FOTO - VİDEO
Dünya, Elm və təhsil / 20.10.2026 17:42
Məktəb və məktəblilərin təhlükəsizliyi – ehtiyac duyulan əməkdaşlıq – TƏHLİL
Hərbi / 20.10.2026 12:02
Bir ömrün xatirəsini 32 saniyəyə sığdıran şəhidin son sözləri – REPORTAJ - VİDEO
Siyasi, Sosial / 20.10.2026 11:10
Qərbi Azərbaycan həqiqətləri: “Yoxa çıxmış sivilizasiya – Gözə dəyməyən fəlakət” - FOTO - VİDEO
İdman / 20.10.2026 10:16
Dördüncü tur başa çatdı – qol epizodları, xal və bombardirlər CƏDVƏLİ - FOTO - VİDEO
Maraqlı, Mədəni / 19.10.2026 12:15
Ərkivanda 200 illik sirli əmanət və cehizlə başlayan böyük sərvət – KƏNDİNƏ QAYIT - VİDEO
İdman / 19.10.2026 00:41
Xatirə Turnirində 4-cü turun nəticələri - FOTO