Məscidlərə namaz və iftar qadağası qoyuldu
Gürcüstan Müsəlmanları İdarəsi (GMİ) Ramazan ayında ölkədəki məscidlərin fəaliyyəti barədə qərar qəbul edib.
Rakus.az xəbər verir ki, məscidlərdə namaz, həmçinin kütləvi iftar məclislərindən uzaq durmaq tövsiyə olunub.
GMİ Ramazan ənənəsi olan iftar süfrələri təşkil etmək əvəzinə onun dəyəri qarşılığında yoxsul və kimsəsizlərə pul və yaxud ərzaq yardımı göstərməyi də tövsiyə edib.
“Bu qərarla biz, Gürcüstanın sayca ikinci dininin nümayəndələrindən olan tamhüquqlu müsəlman vətəndaşları düşünürük ki, həm Allahın razılığını qazanmış və həm də belə ağır günlərdə dövlətimizə dəstək olmaqla insanların sağlamlığı yolunda tədbir görmüş olarıq”, – qərarda bildirilib.
Xatırladaq ki, koronavirusla bağlı qonşu ölkədə martın 17-dən etibarən məscidlərdə dini mərasim və ibadətlər dayandırılıb.
