ABŞ-dakı səfrilikdə iftar süfrəsi açıldı - FOTO
Azərbaycan Respublikasının ABŞ-dakı səfirliyində Ramazan ayı münasibətilə Müsəlman Amerika Liderlik Alyansının (MALA), Amerika Sefard Federasiyasının (ASF), ABŞ-da fəaliyyət göstərən müxtəlif qurumların üzvlərinin və ABŞ-da yerləşən müsəlman ölkələrin diplomatik nümayəndəliklərinin əməkdaşlarının iştirakı ilə iftar süfrəsi açılıb.
Rakus.az xəbər verir ki, iştirakçılar arasında ABŞ Konqresinin, beynəlxalq maliyyə qurumlarının, qeyri-hökumət təşkilatlarının və yerli ictimaiyyətin nümayəndələri də olub.
İftar süfrəsində qonaqlara Azərbaycanın zəngin mədəniyyəti, müxtəlif dinlərin nümayəndələrinin ölkəmizdə birgə və rifah içində yaşaması ilə bağlı məlumat verilib.
MALA təşkilatının icraçı direktoru Zeynəb Xan və təşkilatın həmtəsisçisi Əhməd Ömər Azərbaycan tərəfinə təşəkkür edərək təşkilat haqqında məlumat verib və Ramazan ayının fəzilətlərindən bəhs ediblər.
Qonaqlar Azərbaycan tarixi və mədəniyyəti ilə yaxından maraqlanıb və suallar ünvanlayıblar.
