ABŞ İranla müharibə edir, Tramp isə yox deyir – TƏHLİL - FOTO - VİDEO
ABŞ Prezidenti Amerikanın İranla müharibəyə getməyəcəyinə dair ümidini ifadə edib.
Rakus.az xəbər verir ki, “Tehranla qarşıdurma ehtimalı”na dair müxbirlərin sualının cavabında Prezident Donald Tramp “ümid edirəm ki, olmayacaq” bildirib.
İsçevrə Prezidenti ilə görüşündən öncə ABŞ dövlət başçısı İranla Amerikanın diplomatik əlaqələrə malik olmadığını xatırladaraq bildirib ki, İsveçrə ABŞ-ın Yaxın Şərqdəki maraqlarını təmsil edir.
Ağ evin mətbuat katibi Sara Sanders daha əvvəl müxbirlərə deyib ki, Tramp İranın davranışını dəyişməsini istəyir. O, Prezidentin İslam respublikası tərəfindən gələ biləcək hər bir təcavüzə cavab veriləcəyini deyib.
ABŞ zəruri olmayan diplomatik işçilərinə İraqı tərk etmək əmri verib. Bu addım Tramp administrasiyasının Yaxın Şərqdə Amerika əsgərlərinin İran və ya İranın dəstəklədiyi qüvvələr tərəfindən potensial təhlükələrə məruz qala bilməsi barədə xəbərdarlıq etdiyi vaxt atılır.
ABŞ-ın Bağdaddakı səfirliyinin açıqladığı bəyanatda bildirilib ki, əmr həm səfirlik, həm də ABŞ-ın Ərbildəki konsulluğunun işçilərinə şamil edilir.
“Məncə bu saxta xəbərdir. İndi, mən belə bir addım ata bilərəm? – Əlbəttə. Amma biz bunu planlaşdırmırıq,” deyə Tramp The New York Times-a bildirib.
Pentaqon artıq ötən günlərdə bölgəyə Patriot raket sistemləri və eniş platforma gəmisi də daxil olmaqla təyyarədaşıyan və nüvə bomba təyyarələri göndərib.
Patriot sistemi hava hücumlarından müdafiə sistemidir. Eniş platforma gəmisi isə uzaq məsafədə döyüşmək üçün dənis donanma əsgərlərini, təyyarələri və qayıqları sahilə çatdırır.
