ADPU-da “Şəhidlər ölməz, Vətən bölünməz” adlı tədbir keçirilib - FOTO
Azərbaycan Dövlət Pedaqoji Universitetində (ADPU) “Şəhidlər ölməz, Vətən bölünməz” adlı tədbir keçirilib.
Rakus.az xəbər verir ki, tədbirdə YAP Səbail rayon təşkilatının sədri Muxtar Nağıyev, Milli Məclisin deputatı Əziz Ələkbərli, şəhid jurnalist Məhərrəm İbrahimovun qardaşı Əsgər İbrahimov. şəhid anaları, qazilər və ADPU-nun professor-müəllim heyəti, tələbələr iştirak ediblər.
Tədbirin əvvəlində Azərbaycanın Dövlət Himni səsləndirilib və şəhidlərin ruhu bir dəqiqəlik sükutla yad edilib. Daha sonra şəhidlərin xatirəsinə həsr edilmiş videoçarx nümayiş olunub.
Tədbirdə M.Nağıyev və Ə.Ələkbərli çıxış ediblər. Onlar Azərbaycan xalqının zəfər qazanmış güclü bir xalq olduğunu vurğulayıb.
Şəhid jurnalist Məhərrəm İbrahimovun qardaşı Əsgər İbrahimov bildirib ki, şəhidi olan millət heç zaman sarsılmaz: “Qardaşım Məhərrəm də şəhid qardaşlarımızdan biridir. Bizim xalq olaraq başımızı şəhidlərimiz ucaltdı. Arzu edirəm ki, xalqımıız hər zaman başı dik olsun, heç zaman əyilməsin”.
O, ölkə rəhbərliyinin müdrik siyasəti nəticəsində yaradılan həmrəylik sayəsində daha böyük uğurlara nail olunacağına, vaxtilə Ermənistana verilən əzəli Azərbaycan torpaqlarında üçrəngli bayrağımızın əbədi dalğalanacağına ümidvar olduğunu vurğulayıb.
Daha sonra şəhid anaları çıxış edib, övladlarının qəhrəmanlıqlarından danışıb, mərd mübarizlərin Vətənə ləyaqətlə xidmət edib şəhidlik zirvəsinə ucaldıqarını söyləyiblər.
Onlar cəsur avətən oğulları ilə qürur duyduqlarını nəzərə çatdıraraq, şəhidlərin heç zaman unudulmayacağını bildiriblər.
Çıxış edən qazilər Ali Baş Komandan İlham Əliyevin rəhbərliyi altında Azərbaycan Ordusunun dəmir yumruq kimi düşmənə ağır zərbə endirərək Zəfər çaldığını diqqətə çatdırıb, bu qələbədə şəhid olan yoldaşlarının igidliklərindən, xatirələrindən danışıblar.
Çıxış edənlər belı tədbirlərin əhəmiyyətindən söz açıb, tədbirin təşkilatçılarına – YAP ADPU ərazi təşkilatının sədri Sultan əli Qurbanova təşəkkürlərini bildiriblər.
Sonda tədbir iştirakçıları xatirə şəkli çəkdiriblər.
(“Report”)
