Analara hansı hüquqlar veriləcək?
Uşağa bilavasitə qulluq edən ana buna görə çevik məzuniyyət götürmək imkanına da malik olmalıdır.
Rakus.az xəbər verir ki, Oxu.Az-ın xəbərinə görə, bu barədə Ombudsmanın 2019-cu il üzrə məruzəsində bildirilir.
Hesabatda, həmçinin, uşağa qulluq edən ananın məzuniyyət müddətini seçmək və müəyyən edilmiş məbləğdə verilən müavinətin həddini həmin müddətə uyğunlaşdırmaq hüququnun olması da vurğulanır.
Ombudsman Əmək Məcəlləsinin 127 maddəsinə üçüncü hissəsinin əlavə edilməsini təklif edib.
“Uşağa qulluq edən ana yazılı ərizəsi əsasında qismən ödənişli sosial məzuniyyət hüququndan istifadə edərkən bu, birinci hissəsində göstərilən müddəti daha az, lakin 6 aydan az olmayan müddətlə əvəz edə bilər.
Bu halda uşağa qulluq etməkdən ötrü qanunvericilikdə müəyyən edilmiş məbləğdə verilən müavinətin məbləği məzuniyyətin azaldıldığı müddətə mütənasib olaraq artırılır”,- deyə təklifdə bildirilir.
