Ankara qaçqınları qaytarır – Avopanın Suriya qorxusu – TƏHLİL - FOTO
Türkiyə Suriyanın şimalında həmin ölkədən gəlmiş 1 milyon qaçqını yerləşdirməyi planlaşdırır.
Rakus.az xəbər verir ki, Prezident Rəcəb Tayyib Ərdoğanın sözlərinə görə, bu plan üçün lazımi beynəlxalq dəstək almasa, miqrantlar üçün Avropa marşrutunu yenidən aça bilər.
Rəsmi Ankara 3.6 milyon suriyalı qaçqını qəbul edib və hazırda Suriyanın şimalındakı ərazilərə nəzarət edir və artıq 350,000 suriyalıın geri döndüyünü söyləyir.
ABŞ-la Suriyanın şimal-şərqində birgə “təhlükəsiz zolağı” qurmaqda olan Ərdoğan daha çox qaçqının köçürülə biləcəyini deyib.
Ankaradakı çıxışı zamanı Ərdoğan deyib ki, ölkəsi qaçqın problemi ilə mübarizədə kifayət qədər beynəlxalq dəstək almasa, miqrantlar üçün Avropaya marşrut açılması lazım gələ bilər.
Avropa İttifaqı ilə Türkiyə arasında 2016-cı ilin martında imzalanmış razılaşmaya əsasən, Ankara milyardlarla avro yardım qarşılığında Avropaya miqrant axınının qarşısını almağa razı olub.
Bununla belə qonşu Yunanıstana gələn miqrantların sayı ötən ay artıb. Bir həftə əvvəl üç ildə ilk dəfə olaraq oraya 600 nəfəri daşıyan 10-dan çox miqrant qayığı gəlib.
Ərdoğan həmçinin Türkiyənin sentyabrın sonuna qədər ABŞ-la birlikdə Suriyanın şimal-şərqində “təhlükəsiz zona” yaratmağa qərarlı olduğunu, lakin lazım olarsa təkbaşına hərəkət etməyə hazır olduğunu bildirib.
