Axmaq kobudluq etdim – Mourinyo
“Tottenhem”in baş məşqçisi Joze Mourinyo İngiltərə Premyer Liqasının 21-ci turunda “Southempton”la səfər oyununda sarı vərəqə ilə cəzalandırılıb.
Rakus.az xəbər verir ki, portuqaliyalı mütəxəssis matçın sonuna yaxın rəqib komandanın texniki zonasına gedərək “Southempton”un baş məşqçisi Ralf Hazenxyuttlın taktiki qeydlərini etdiyini dəftərçəyə baxıb. Görüşün baş hakimi isə texniki zona qaydasını pozduğu üçün ona sarı vərəqə göztərib.
Mourinyo 0:1 hesabı ilə uduzduqları görüşdə sonra sözügedən epizodu şərh edib. O, hərəkətini axmaqlıq adlandırıb: “Kobudluq etdim, amma bu axmaq kobudluq idi. Mən sarı vərəqəyə layiq idim. Oradakı oğlana (“Southempton”un məşçilərindən birini nəzərdə tutur – red.) pis söz dedim”.
Mourinyo noyabrın 20-dən “Tottenhem”ə başçılıq edir. Komanda onun rəhbərliyi altında İngiltərə çempionatında doqquz matç keçirib. Bu qarşılaşmalardan biri heç-heçə ilə nəticələnib, “Tottenhem” üç oyunda məğlubiyyətə uğrayıb, matçların beşində isə qələbə qazanıb.
“Tottenhem” in uduzduğu qarşılaşmada yeganə qolu 17-ci dəqiqədə meydan sahiblərini heyətində Denni İnqs vurub. Bu, 27 yaşlı futbolçunun cari mövsümdə 13-cü qolu olub.
