Azərbaycan Kuboku növbəti ilə təxirə salındı
Futbol üzrə Azərbaycan Kubokunun oyunları növbəti ilə təxirə salınıb.
Rakus.az xəbər verir ki, bu barədə Peşəkar Futbol Liqası (PFL) qərar qəbul edib.
AFFA və PFL Azərbaycan Premyer Liqasında çıxış edən 8 klubun rəhbər şəxsləri, eləcə də videokonfranslarda (7 və 9 dekabr) iştirak edən baş məşqçiləri ilə fikir mübadiləsi aparılıb. Müzakirələr nəticəsində Azərbaycan Premyer Liqası ilə yanaşı ölkə kubokunun təqvimində də dəyişikliklər edilib.
1/8 final mərhələsinin oyunları dekabrın 24-də yox, 2021-ci il yanvarın 25-də olacaq.
Xatırladaq ki, 1/8 final mərhələsində “Səbail” – “Zaqatala”, “Turan Tovuz” – “Qəbələ”, “Sabah” – “Kəpəz”, “Qaradağ Lökbatan” – “Zirə” oyunları təşkil ediləcək. “Qarabağ”, “Neftçi”, “Keşlə” və “Sumqayıt” mübarizəyə 1/4 finalda qoşulacaq.
