Azərbaycan – Monteneqro matçında hesab açılmadı – YENİLƏNDİ
Futbol üzrə Azərbaycan millisi Millətlər Liqasında V turu matçına çıxıb.
Rakus.az xəbər verir ki, Canni de Byazinin yetirmələri C liqasının 1-ci qrupu görüşündə Monteneqro ilə qarşılaşıb.
Oyunda hesab açılmayıb – 0:0. Qrupun digər matçında Kipr Lüksemburqa 2:1 qalib gəlməklə ilk qələbəsini qazanıb.
Beləliklə, Azərbaycan millisi beş oyundan 5 xal qazanıb. Komandamız sonuncu turda noyabrın 17-də Lüksemburqun qonağı olacaq.
22.06
Azərbaycan – Monteneqro matçında ikinci hissə başlayıb.
Hazırda oyunda hesab 0:0-dır.
21.50
Azərbaycan – Monteneqro matçında ilk hissə başa çatıb.
Oyunun ilk 45 dəqiqəsində komandalar fərqlənə bilməyiblər.
Oyunun 45-ci dəqiqəsində rəqibin 7 nömrəli oyunçusu İqor İvanoviç kobud qayda pozuntusuna görə ikinci sarı vərəqə alaraq meydandan qovulub.
Hazırda qarşılaşmada fasilədir.
21.03
Azərbaycan – Monteneqro matçına start verilib.
20.31
Bu gün Azərbaycan millisi Millətlər Liqasının V turunda Monteneqro ilə qarşılaşacaq.
Müharibə şəraitinə görə Bakıda yox, Xorvatiyanın Zapreşiç şəhərində baş tutacaq görüş öncəsi millimizin baş məşqçisi Canni de Byazi və onun həmkarı Faruk Hacibeqiç start heyəti və ehtiyat oyunçuları müəyyənləşdirib.
İvan Laylak-İviç adına stadionda keçiriləcək və rusiyalı hakim Sergey İvanovun idarə edəcəyi qarşılaşma Bakı vaxtı ilə saat 21:00-da başlayacaq.
Azərbaycan: 12. Şahruddin Məhəmmədəliyev, 14. Elvin Bədəlov, 15. Bədəvi Hüseynov, 3. Azər Salahlı, 5. Maksim Medvedev (k), 2. Qara Qarayev, 6. Vüqar Mustafayev, 13. Abbas Hüseynov, 10. Rəhim Sadıxov, 7. Tellur Mütəllimov, 11. Mahir Emreli
Ehtiyat oyunçular: 1. Emil Balayev, 23. Aydın Bayramov, 4. Rahil Məmmədov, 8. Şəhriyar Əliyev, 9. Ramil Şeydayev, 16. Elvin Camalov, 17. Vüsal İsgəndərli, 18. Mərt Çelik, 19. Mirabdulla Abbasov, 20. İsmayıl İbrahimli, 21. Amin Seydiyev, 22. Xəyal Nəcəfov
Monteneqro: 12. Milan Miyatoviç, 2. Aleksandar Sofranats, 5. İqor Vuyaçiç, 6. Risto Radunoviç, 23. Adam Maruşiç, 7. İqor İvanoviç, 19. Aleksandar Şekiç, 8. Marko Bakiç, 17. Sead Xakşabanoviç, 9. Stefan Muqoşa, 10. Stevan Yovetiç (k)
Ehtiyat oyunçular: 1. Daniyel Petkoviç, 13. Miloş Draqoyeviç, 3. Saşa Baliç, 4. Maro Vukçeviç, 11. Fatoş Beçiray, 14. Vukan Saviçeviç, 16. Vladimir Yovoviç, 18. Neboyşa Kosoviç, 20. Dino İslamoviç, 21. Aleksandar Bolyeviç, 22. Miloş Raykoviç
