Azərbaycanın inkişafı BMT-nin strategiyası ilə uyğunlaşdırılması əsas hədəflərdəndir – Baş Nazirin müavini
Azərbaycanın inkişaf strategiyasının BMT-nin inkişaf strategiyası ilə uyğunlaşdırması dövlətimizin əsas hədəflərindəndir.
Rakus.az xəbər verir ki, bunu BMT ilə Azərbaycan arasında tərəfdaşlığın növbəti beşilliyi üçün prioritet sahələrinin müəyyənləşdirilməsi məqsədilə keçirilən konfransda Dayanıqlı İnkişaf üzrə Milli Əlaqələndirmə Şurasının Sədri, Baş Nazirin müavini Əli Əhmədov bildirib.
Onun sözlərinə görə, Azərbaycanla BMT arasında əməkdaşlıq hər zaman hökumət tərəfindən yüksək qiymətləndirib. Bu əməkdaşlıq Azərbaycana indiyədək böyük faydalar verib:”Güman edirəm ki, bu əməkdaşlıq bundan sonra da davam edəcək. Azərbaycanın BMT ilə əlaqələri müxtəlif sahələri əhatə edir”.
Baş nazirin müavini əlavə edib ki, Azərbaycan son 30 ildə yaranan ən uğurlu ölkələrdən biridir. Azərbaycan iqtisadiyyatı inkişaf edib, əhalinin həyat şəraiti ciddi şəkildə yaxşılaşıb:”Azərbaycan azsaylı ölkələrdən biridir ki, özünün ii milli hesabatını verib. Bu, onu göstərir ki, Azərbaycan BMT-nin 2030-cu ilədək olan qlobal hədəflərinə nail olmaq üçün səylərini göstərir. Azərbaycan 2030-cu il layihəsi üzrə əsas hədəflərini müəyyən edib. əsas hədəf odur ki, Azərbaycanın milli inkişaf proqramı BMT-nin.müəyyən etdiyi strategiyaya uyğun gəlsin”.
Əli Əhmədov qeyd edib ki, Azərbaycan inkişaf edən ölkədir və bununla əlaqədar qarşısında bir sıra vəzifələr dayanır .
Onun sözlərinə görə, Azərbaycanın inkişafının əsas xüsusiyyəti odur ki, inkişaf bütün sahələrdə müşahidə olunir.
Əli Əhmədov bildirib ki, son 30 ildə Azərbaycan əhalisi 3 milyon nəfər artır. Hər il əmək bazarına 100 min nəfər daxil olur.
Baş nazirin müavini deyib ki,qarşımızda duran əsas vəzifələrdən biri sosial sferanın inkişaf etdirilməsidir. Son illər ərzində Azərbaycanda bir çox sosial layihələr həyata keçirilib və bu, bundan sonra da davam edəcək”.
