Bakıda polisi təhqir edən sürücü üzr istədi - VİDEO
Bakıda yol polisini təhqir edən sürücü üzr istəyib.
Rakus.az xəbər verir ki, etdiyi hərəkətə görə peşman olan sürücü Fəxrəddin Nəsirov hadisənin başvermə anından danışıb:
“Maşını idarə edən zaman əlimdə telefon var idi. Polis əməkdaşı məni saxladı və sənədlərimi tələb etdi. Mən sənədimi ona təqdim etdim. O, məndən taksi fəaliyyəti ilə məşğul olmaq üçün lisenziyamın olub-olmadığımı soruşdu.
Həmin polis əməkdaşını tapıb üzr istəyəcəm. İşlətdiyim ifadəmə görə bütün polis əməkdaşlarından üzr istəyirəm”.
Xatırladaq ki, bu gün sosial şəbəkələrdə Bakıda yol polisi və sürücü arasında gərgin anları əks etdirən video yayılıb. Bakı Şəhər Dövlət Yol Polisi İdarəsinin əməkdaşı taksi sürücüsünə qayda pozuntusuna görə protokol tərtib edib. Bu zaman sürücü polisi ağır formada təhqir edib.
