Beş nazirliyin nöqsanı açıqlandı – SİYAHI
Hesablama Palatası ötən il həyata keçirdiyi nəzarət tədbirləri nəticəsində bəzi nazirliklərin nazirliklərin nöqsanlarını açıqlayıb.
Rakus.az Palatanın hesabatına istinadla xəbər verir ki, nöqsanlar Səhiyyə, Kənd Təsərrüfatı, Gənclər və İdman, Xarici İşlər və Əmək və Əhalinin Sosial Müdafiəsi nazirliklərində qeydə alınıb.
Məlumatlara əsasən, 2018-ci ildə büdcə qanunvericiliyini Kənd Təsərrüfatı Nazirliyi üç, Gənclər və İdman Nazirliyi iki, Xarici İşlər Nazirliyi dörd, Əhalinin Sosial Müdafiəsi Nazirliyi üç dəfə pozub.
Əsaslı qoyuluşlar üzrə Səhiyyə Nazirliyində üç, Gənclər və İdman Nazirliyində üç, Əhalinin Sosial Müdafiəsi Nazirliyində üç nöqsan qeydə alınıb.
Ötən il dövlət satınalmaları ilə bağlı Səhiyyə Nazirliyi dörd, Kənd Təsərrüfatı Nazirliyi üç, Gənclər və İdman Nazirliyi dörd, Xarici İşlər Nazirliyi iki nöqsana yol verib.
