Azərbaycan Respublikasının Birinci vitse-prezidenti Mehriban Əliyeva rəsmi “İnstagram” səhifəsində 9 noyabr – Dövlət Bayrağı Günü münasibətilə Azərbaycan xalqını təbrik edib.
Rakus.az xəbər verir ki, Birinci vitse-prezidentin paylaşımında deyilir:
“Əziz həmvətənlər!
9 noyabr – Azərbaycan Respublikasının Dövlət Bayrağı Günü münasibətilə hər birinizi təbrik edirəm! Qoy üçrəngli bayrağımız müstəqil Azərbaycanın üzərində daim əzəmətlə dalğalansın! Xalqımıza cansağlığı, səadət, xoş günlər və sevgi, Vətənimizə isə rifah, sülh və tərəqqi arzulayıram!”
Azərbaycanın Birinci vitse-prezidenti Mehriban Əliyeva Azərbaycanda Dövlət Bayrağı günü ilə bağlı şəxsi “İnstaqram” səhifəsində videoçarx da paylaşıb.
