BNA-da görüş oldu - FOTO
Bakı Nəqliyyat Agentliyində (BNA) paytaxtda keçirilən UEFA Avropa Liqasının final oyunu zamanı nəzərdə tutulan nəqliyyat əməliyyatlarına cəlb edilən daşıyıcı şirkətlərin rəhbərləri ilə görüş keçirilib.
Rakus.az xəbər verir ki, BNA-dan bildirilib ki, agentliyin idarə heyətinin sədri Vüsal Kərimli oyun zamanı nəqliyyat əməliyyatlarının yüksək səviyyədə keçirildiyini vurğulayıb, bu işləri lazımi səviyyədə icra edən daşıyıcı şirkətlərin rəhbərlərinə və sürücülərə minnətdarlığını bildirib.
Görüşdə, həmçinin Bakı Nəqliyyat Agentliyinin daşıyıcılar qarşısında qoyduğu tələblər, onların icra vəziyyətinə dair tövsiyə və xəbərdarlıqlar edilib. O cümlədən, avtobusların texniki baxımdan qoyulan tələblərə uyğunlaşdırılması, vətəndaşlara göstərilən xidmət səviyyəsinin keyfiyyətinin artırılmasının vacibliyi bir daha daşıyıcıların diqqətinə çatdırılıb.
