Gəmi siyasəti – bu oyunu Britaniya, yoxsa İran qazanacaq? – TƏHLİL - FOTO
İran Böyük Britaniyanın saxladığı “Grace 1” neft tankerinin yaxın zamanda azad ediləcəyini bəyan edib.
Rakus.az xəbər verir ki, bu il iyulun 4-də Britaniya dənizçilərinin İran tankerini saxlaması İran və Qərb arasında gərginlikləri artırmış, iranlıların az sonra Britaniyaya məxsus tankeri ələ keçirməsinə yol açmışdı.
Lakin Britaniya hökumətinin Cəbəllütariq ərazisindəki mənbələri İranın bəyanatının doğru olmadığını bildirib.
Tehran öz gəmisinin iyulun 4-də ələ keçirilməsinə etiraz edərək Avropanın sanksiyalarına baxmayaraq Suriyaya qeyri-qanuni neft daşıdığına dair ittihamları rədd edib.
İRNA xəbər agentliyi İranın Liman və Dəniz Donanması Təşkilatının sədr müavini Cəlil Eslamiyə istinadən bildirib ki, Britaniya sənədlərin mübadiləsi ilə ‘Grace 1’ tankerinin azad ediləcəyini nəzərdən keçirir.
İranın yarı-rəsmi Fars xəbər agentliyi isə adları açıqlanmayan Cəbəllütariq rəsmilərinə istinadən tankerin çərşənbə axşamı azad ediləcəyini bildirib. Hərçənd ki, rəsmilər əvvəllər gərginliyin azaldımasında maraqlı olduqlarını bildiriblər, onlar xəbəri təkzib ediblər.
Bu arada Britaniya hərbi gəmisi ticarət gəmilərinin körfəzdə qorunması məqsədi ilə ABŞ-ən rəhbərlik etdiyi qoruma missiyasına qoşulmaq üçün regiona yola düşüb.
Britaniya gəmisi ABŞ hərbi gəmiləri ilə birgə İran körfəzində tankerlərin qorunmasına xidmət göstərəcək.
Prezidenti Həsən Ruhani İran və digər Fars körfəzi dövlətlərinin bölgənin təhlükəsizliyini qoruya biləcəyini və xarici qüvvələrə ehtiyac olmadığını söyləyib. Ruhani ABŞ-ın bölgədəki dəniz təhlükəsizlik missiyasını çoxdan rədd etdiyini təkrarlayıb.
İran keçən ay Britaniya bayrağı altında üzən gəmini ələ keçirdikdən sonra Birləşmiş Ştatlar İngiltərəni dəstəkləyərək körfəzdə dəniz təhlükəsizliyi missiyasına başlayıb.
İki həftə əvvəl dəniz piyadaları İngiltərənin Aralıq dənizi ərazisindəki Cəbəllütariq ərazisində İran tankerini Avropa sanksiyalarını pozaraq Suriyaya neft aparmaqda şübhəli bilərək ələ keçirib.
Prezidentin mətbuat katibi Əli Rabieyi dövlət televiziyasına İran tankerinin ələ keçirilməsinin “yanlış addım” olduğunu və Cəbəllütariq məhkəməsindən tankerin yaxın günlərdə sərbəst buraxılması ilə bağlı qərar verməsini gözlədiyini söyləyib.
Beləliklə, son ay davam edən bu qarşıdurma Vaşinqton İranın nüvə proqramını məhdudlaşdıran razılaşmadan çıxdıqdan və iqtisadi sanksiyaları bərpa etdikdən sonra Tehranla Qərb arasındakı qarşıdurma daha da artıb.
