Bu gün HAVA belə olacaq
Bakıda və Abşeron yarımadasında bu gün havanın dəyişkən buludlu olacağı, əsasən yağmursuz keçəcəyi gözlənilir. Səhər bəzi yerlərdə zəif duman olacaq. Mülayim cənub-qərb küləyi əsəcək.
Rakus.az xəbər verir ki, Ekologiya və Təbii Sərvətlər Nazirliyinin Milli Hidrometeorologiya Departamentindən verilən xəbərə görə, havanın temperaturu Abşeron yarımadasında gündüz 9-12, Bakıda gündüz 10-12 dərəcə isti olacaq. Atmosfer təzyiqi 764 mm civə sütununa enəcək, nisbi rütubət gündüz 50-55 faiz olacaq.
Azərbaycanın rayonlarında bu gün havanın əsasən yağmursuz keçəcəyi gözlənilir. Səhər bəzi yerlərdə duman olacaq, qərb küləyi ayrı-ayrı yerlərdə arabir güclənəcək. Havanın temperaturu gündüz 8-13 dərəcə isti, dağlarda gündüz 2-7 dərəcə isti olacaq.
Tibbi-meteoroloji proqnoza əsasən, yanvarın 28-29-da Abşeron yarımadasında meteoroloji amillərin zəif və mülayim tərəddüdü meteohəssas insanlar üçün əsasən əlverişlidir.
