Bu günə gözlənilən HAVA açıqlandı
Bakıda və Abşeron yarımadasında bu gün hava yağmursuz keçəcək. Mülayim cənub küləyi əsəcək.
Rakus.az xəbər verir ki, bu haqda Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilib.
Havanın temperaturu 29-32, Bakıda 29-31 dərəcə isti təşkil edəcək.
Atmosfer təzyiqi 761 mm civə sütunu, nisbi rütubət 45-50 faiz olacaq.
Əksər rayonlarda hava əsasən yağmursuz keçəcək. Lakin axşam bəzi dağlıq ərazilərdə qısamüddətli yağış yağacağı gözlənilir. Şimşək çaxacağı, dolu düşəcəyi ehtimalı var. Bəzi yerlərdə duman olacaq. Qərb küləyi ayrı-ayrı yerlərdə arabir güclənəcək.
Havanın temperaturu 30-34, dağlarda 19-24 dərəcə isti təşkil edəcək.
İyunun 01-02-də Abşeron yarımadasında meteoroloji amillərin normal sutkalıq gedişi meteohəssas insanlar üçün əlverişlidir.
