Bu il idman sahəsində yaddaqalan MƏQAMLAR - FOTO
Ölkəmizdə bütün sahələrdə olduğu kimi idman sahəsində də böyük uğurlar qazanılır.
Rakus.az xəbər verir ki, Azərbaycanda idman siyasətinin düzgün qurulduğunu bu sahədə qazanılmış uğurlu nəticələr təsdiqləyir. Ölkəmizdə beynəlxalq səviyyəli yarışlar təşkil olunur, idmançılarımız hər il olduğu kimi bu il də müxtəlif idman növləri üzrə keçirilən Avropa və dünya çempionatlarında uğurlu nəticələr göstəriblər.
Beləliklə, 2019-cu ildəki Azərbaycanda və dünya idman sahəsində baş verən vacib anlar bunlardır:
Yanvar:
– Azərbaycanın kişi voleybol yığması tarixində ilk dəfə Avropa çempionatına vəsiqə şansı qazanıb
Fevral:
– Prezident İlham Əliyev Tərtər rayonunda Olimpiya İdman Kompleksinin tikintisinin başa çatdırılması ilə bağlı 10 933 900 manat ayırıb.
– Azərbaycan Qran-prisinin keçirilmə müddəti 2023-cü ilədək uzadılıb. Əvvəlki anlaşma 2020-ci ilədək idi.
– Aleksander Çeferin yenidən UEFA prezidenti seçilib
Mart:
– Azərbaycanda gəlirlərinin 10 faizini futbola sərf edən şirkətlər vergidən azad olunacaq
– Azərbaycan ağırlıqqaldıranı Rəhman Kazımov dünya birinciliyində qızıl medal qazanmaqla tarixə düşüb
Aprel:
-Azərbaycanın sərbəst güləş yığması Avropa çempionatında 3 qızıl, 1 gümüş, 2 bürünc medal qazanıb
– “Formula 1” üzrə Azərbaycan Qran-prisinin qalibi Valteri Bottas olub
May:
– “Qarabağ” ardıcıl altıncı dəfə Azərbaycan çempionu olub
– UEFA Avropa Liqasının kuboku Cocuq Mərcanlıda nümayiş etdirilib
– Bakıda aerobika üzrə Avropa çempionatı baş tutub.
– “Çelsi” Bakıda “Arsenal”ı darmadağın edərək (4:1) Avropa Liqasının qalibi olub
İyun:
– UEFA Çempionlar Liqasında 2018-2019 mövsümünün qalibi müəyyənləşib. “Liverpul” “Tottenhem”ə qalib gəlib. 2-0
– UEFA-nın ilk dəfə təşkil etdiyi UEFA Millətlər Liqasının qalibi müəyyənləşib. Portuqaliya Hollandiyaya qalib gəlib 1-0
İyul:
Azərbaycanın qadın güləşçisi Mariya Stadnik “Minsk 2019” II Avropa Oyunlarının qalibi olub.
Avqust:
– “Qarabağ” komandası 5-ci dəfə UEFA Avropa Liqasının qrup mərhələsinə vəsiqə qazanıb.
Sentyabr:
– Azərbaycanı Qazaxıstanın paytaxtı Nur-Sultandakı dünya çempionatında təmsil edən qadın güləşçi Mariya Stadnik qızıl medal qazanıb
Oktyabr:
– Şahmat üzrə Teymur Rəcəbov Dünya Kubokunun finalında çinli Dinq Lireni məğlub edərək çempion oldu – 6:4.
– Azərbaycanın yeniyetmə şahmatçısı Aydın Süleymanlı dünya çempionu olub.
Noyabr:
Azərbaycanın şahmat yığması Ermənistana qalib gələrək 27 ildən sonra Avropa çempionatının medalçısı olub. Bürünc medal
Dekabr :
Lionel Messi 6-сı dəfə “Qızıl top” mükafatını qazanıb
Taekvondo üzrə kişilərdən ibarət milli komandanın baş məşqçisi Reza Mehmandust ilin ən yaxşı məşqçisi seçilib. İranlı mütəxəssisi bu ada Ümumdünya Taekvondo Federasiyası layiq görüb.
Rusiya olimpiadalarda və dünya çempionatlarında çıxış etmək hüququndan məhrum olunub. Bu barədə Ümumdünya Antidopinq Agentliyinin (WADA) İcraiyyə Komitəsi yekdilliklə qərar çıxarıb. Bundan başqa, Rusiya 4 il müddətinə dünya çempionatları keçirmək və ya mundialların təşkili üçün ərizə vermək hüququndan da məhrum edilib. Qadağa dövlət qulluqçularına, Milli Olimpiya Komitəsi və Milli Paralimpiya Komitəsinin rəhbərliyinə şamil olunub.
