Bu mövsümdə 15 yarış təşkil ediləcək
“Formula 1” üzrə dünya çempionatı çərçivəsində 2020-ci il mövsümündə ən azı 15 yarış təşkil ediləcək.
Rakus.az xəbər verir ki, bu barədə “Formula 1″in mətbuat xidməti rəsmi açıqlamasında məlumat verib. Məlumatda bildirilir ki, koronavirus pandemiyasına görə, beynəlxalq səviyyədə davam edən qeyri-müəyyənlik səbəbindən “Formula 1” daha geniş təqvimin detallarını dəqiqləşdirərək yaxın həftələrdə yayımlayacağını düşünür. “Formula 1” rəhbərliyi bu ilin dekabrına, mövsümün sonunadək 15-18 yarış keçirə biləcəyinə ümid edir.
Hazırda start yarışları tamaşaçısız keçirilməsi planlaşdırılsa da, vəziyyət təhlükəsiz olarsa, azarkeşlər yenidən tribunaya qayıda biləcəklər.
Xatırladaq ki, bundan əvvəl “Formula 1” rəhbərliyi 2020-ci il mövsümünün ilk səkkiz mərhələsinin cədvəlini təqdim etmişdi. Onların hamısı Avropada keçiriləcək.
