Xatirə turnirində kuboku “Göyçə” qazanıb
Müstəqilliyin Bərpası Günü (18 oktyabr) və Zəfər Günü (8 Noyabr) münasibətilə Azərbaycanın Şəhid Jurnalistlərinin xatirəsinə həvəskar komandalardan ibarət 3-cü Ənənəvi Minifutbol Turnirində çempion bəlli olub.
Rakus.az xəbər verir ki, sahəyə üçüncü yer uğrunda mübarizə aparan komandalar çıxıb. Tennis Akademiyasında keçirilən oyunu AFFA-nın hakimləri Elgün Hüseynov və Ramil Namazov idarə ediblər.
İlk olaraq saat 21:00-da “Gənclər 2020” ilə “Turan” komandaları qarşılaşıb. “Turan” görüşü 5:4 hesablı qələbə ilə bitirərək bürünc medalın sahibi olub.
Bakı Tennis Akademiyası
19 oktyabr
Üçüncü yer
saat 21:00 “Turan” – “Gənclər 2020” – 5:4
Qollar: Sənan Xudaverdiyev 3, Rauf Həsənli 1, Elnur İsmayılov 1 – (“Turan”)
Burhan Hətəmli 2, Tural Nağıyev, Emil Qurbanzadə 1 – (“Gənclər 2020”)
Hakimlər: Elgün Hüseynov, Ramil Namazov
Ardından final görüşü baş tutub.
Şəhidlərin əziz xatirəsi bir dəqiqəlik yad olunduqdan və Azərbaycanın Dövlət Himni səsləndirildikdən sonra “Ardanış” və “Göyçə” komandaları münasibətlərinə aydınlıq gətiriblər. Görüşdə 1:2 hesablı qələbə qazanan “Göyçə” kubokun sahibi olub.
19 oktyabr
FİNAL
saat 22:00
“Ardanış” – “Göyçə” – 1:2
Qollar: Anar Qasımov 2 – (“Göyçə”)
Emin İmaməliyev 1 (“Ardanış)
Hakimlər: Elgün Hüseynov, Ramil Namazov
Final qarşılaşmasından sonra bağlanış və mükafatlandırma mərasimi təşkil olunub.
Tədbirin təşkilatçısı, Rakus.az saytının təsisçisi, şəhid jurnalist Məhərrəm İbrahimovun qardaşı, jurnalist Əsgər İbrahimov yarışın baş tutması və yüksək səviyədə başa çatması üçün göstərdikləri təşəbbüsə və iştiraka görə əməyi olan hər kəsə təşəkkür edib, bütün komandaların yüksək əzmkarlıqla turnirə qoşulduqlarını və əsl idman mübarizəsi apardıqlarını bildirib, tamaşaçıların bu yarışa göstərdikləri marağı yüksək qiymətləndirib.
Milli Məclisin deputatı Rizvan Nəbiyev, Futbol mütəxəssisləri və veteranı Maşallah Əhmədov, Asif Əliyev, beynəlxalq dərəcəli hakim-inspektor Asim Xudiyev, M.Ə.Rəsulzadə qəsəbə Bələdiyyəsinin sədri Hümbət Hüseynov, Göyçə mahalının Nərimanlı Kənd İcmasının sədri, Azərbaycan Tibb Universitetinin müəllimi, həkim Şirazi İbrahimov, Çaykənd İcmasının sədri Əflatun Abdullayev, Ardanış kənd İcmasının İdarə Heyətinin üzvü, müəllim Sahib Əhmədov, Futbol məşqçisi Vüqar Hacıyev, AZƏRTAC-ın nümayəndəsi Fuad İsmayılov, Turnirin Təşkilat Komitəsinin sədri Rasim Həsənov çıxış edərək, turnirin əhəmiyyətindən danışıb, yarışların yüksək səviyyətə keçdiyini bildirib, iştirakçılara təşəkkür edib, qalib komandaları təbrik ediblər.
Sonra mükafatlandırma olub.
Xatirə turnirində qalib komandalar – birinci yeri tutan “Göyçə”, ikinci yerin sahibi “Ardanış”, üçüncü yeri tutan “Turan” komandalar mükafatlandırılıb. Onlara kubok, medal və xatirə hədiyyələri verilib.
Xatirə turnirinin “ən yaxşı oyunçu”su seçilən Anar Qasımova (“Göyçə”), “ən çox qol vuran” Fərid Əliyevə (“Turan”) “ən yaxşı qapıçı” seçilən Elvin İsmayılova (“Ardanış”) medal və xatirə hədiyyələri verilib.
Sonda xatirə şəkli çəkdirilib.
Bununla da sentyabrın 14-dən oktyabrın 19-dək davam edən şəhid jurnalistlərin xatirəsinə həvəskar komandalardan ibarət Ənənəvi Minifutbol Turniri başa çatıb.
(Bağlanış və mükafatlandırma mərasimi ilə bağlı geniş hesabat növbəti yazıda dərc olunacaq)
