Çinin müsəlman soyqırımı – yazı və simvollara qadağa – TƏHLİL - FOTO
Çinin paytaxtı Pekinin məsul şəxsləri ölkədəki müsəlman əhalisi arasında “çinliləşdirmə” planının bir hissəsi olaraq paytaxtdakı halal restoranları, ərzaq mağazalarının üzərindəki ərəb yazılarının və müsəlman simvollarının çıxarılmasına göstəriş verib.
Rakus.az xəbər verir ki, Reuters xəbər agentliyinin əməkdaşlarının olduğu 11 halal restoranı və ərzaq mağazalarının işçilərinin onlardan “halal” sözü kimi ərəb sözləri və aypara kimi İslam simvolları olan çıxarılmasının tələb olunduğunu bildirib.
Müxtəlif idarələrdən olan hökumət işçiləri Pekindəki bir ərəb restoranına gələrək, sahibindən restoranın üzərindəki “halal” sözü yazılan lövhəni çıxarmasını tələb etmiş və lövhə çıxarılanadək durub gözləmişlər.
“Onlar mənə “bu, xarici mədəniyyətdir və sən Çin mədəniyyətindən istifadə etməlisən” dedilər” deyən restoran sahibi də digər işçilər kimi Reuters xəbər agentliyinə məsələnin çox həssas olduğu üçün adının çəkilməsini istəməyib.
Bu kampaniyaya ölkə boyu Yaxın Şərq üslublu qübbələrin məscidlərdən çıxarılması da daxil idi.
Hazırda Çin kütləvi həbslər, uyğur və digər müsəlmanların nəzarət altında saxlamasına görə Qərb dövlətləri və insn haqları müdafiəçilərinin tənqidləri ilə üzləşib.
